Італія спрашчае дэпартацыю мігрантаў
Matteo Salvini, Wikimedia Commons
Улады Італіі ўхвалілі законапраект, які дазваляе паскорыць працэс дэпартацыі мігрантаў і пазбаўлення італьянскага грамадзянства асоб, якія абвінавачваюцца ў тэрарызме.
Дэкрэт, які атрымаў назву дэкрэт Сальвіні, дазваляе дэпартаваць мігрантаў, якія ўчынілі цяжкія злачынствы, напрыклад, разбой і згвалтаванне.
У мінулым высылцы ў такіх выпадках папярэднічаў працяглы юрыдычны працэс са мноствам апеляцый.
Законапраект таксама прадугледжвае аўтаматычную адмову ад разгляду заяў аб прадастаўленні прытулку ад асоб, якія абвінавачваюцца ў наркагандлі, заявіў міністр унутраных спраў Італіі Сальвіні.
Матэа Сальвіні назваў гэтую меру крокам па ўмацаванні бяспекі ў краіне. Законапраект яшчэ патрабуе ўхвалы парламента.
Сальвіні — адна з ключавых фігур у палітыцы ўзмацнення жорсткасці іміграцыйнага рэжыму.
Яна была пачата з прыходам да ўлады ў чэрвені кааліцыйнага ўрада ў складзе праварадыкальнай партыі Ліга і папулісцкага руху Пяць зорак.
Сальвіні не раз наўпрост тэлефанаваў аператарам выратавальных суднаў, а ў жніўні асабіста забараніў высадку ў Сіцыліі 150 мігрантам з карабля берагавой аховы.
