Даслаць навіну
Знайсці
25.09.2018 / 12:12 3

Рыгор Кастусёў паскардзіўся ў ААН на беларускія ўлады

Павялічыць выяву

Старшыня Партыі БНФ Рыгор Кастусёў лічыць, што дзяржава двойчы за апошнія два гады паквапілася на ягоную свабоду ўдзелу ў мірных сходах, піша spring96.org

У 2016 годзе за мітынг на Дзень Волі ў Мінску суд Савецкага раёна аштрафаваў на 20 базавых велічыняў (420 рублёў) штрафу.

У ліпені 2018 года суд Партызанскага раёна аштрафаваў Кастусёва на 35 базавых велічыняў (735 рублёў) за ўдзел у акцыі пратэсту супраць дзейнасці забаўляльнага комплексу «Поедем поедим» побач з месцам пахавання ахвяр палітычных рэпрэсій у Курапатах.

Палітык лічыць, што ў абодвух выпадках было парушана яго права на свабоду мірных сходаў.

«Я звяртаў увагу судоў, што мне пастаўлены ў віну толькі сам факт удзелу ў масавых мерапрыемствах. Мне не выстаўленыя абвінавачанні, што я сваім «удзелам» і якімі-небудзь сваімі дзеяннямі, камандамі і тлумачэннямі парушыў грамадскі парадак або якія-небудзь правы і свабоды іншых асоб, або паквапіўся на іх рэпутацыю, або пагражаў нацыянальнай бяспецы, здароўю і маральнасці насельніцтва,» — паведаміў Кастусёў у скарзе.

Інтарэсы старшыні партыі БНФ абараняе магілёўскі праваабаронца Барыс Бухель. Ён са шкадаваннем адзначыў, што на ўзроўні беларускай дзяржавы Кастусёву сваю правату даказаць не ўдалося, бо ўлады не выконваюць сваіх міжнародных абавязацельстваў. Затое на ўзроўні Камітэта па правах чалавека ААН, упэўнены праваабаронца, атрымаецца дамагчыся поспеху:

«КПЧ прыняў ужо дзясяткі рашэнняў па падобных кейсах. Заўсёды ён уставаў на бок грамадзян, паколькі дзеючае нацыянальнае заканадаўства і дзеянні ўладаў не даюць беларусам паўнавартасна скарыстацца правам на свабоду мірных сходаў,» — заявіў Барыс Бухель.

Скарга ў Жэневу, дзе месціцца офіс КПЧ ААН, была адпраўлена 24 верасня.

Павялічыць выяву

1
AlesGut / адказаць
25.09.2018 / 12:29
Слушна, але нешта не зразумеў: гэта што, першы зварот у ААН за апошні час?
3
W / адказаць
25.09.2018 / 14:33
"КПЧ прыняў ужо дзясяткі рашэнняў па падобных кейсах". 

І якія бонусы ад гэтага атрымалі пакрыўджаныя? Можа, ім былі вернутыя штрафы, кампенсавана незаконнае зняволенне, а шуняўкі-тэатралы панеслі пакаранне? Ці гэтым павінен займацца лідар апазіцыйнай партыі?



https://nn.by/?c=ar&i=216507

0
777 / адказаць
25.09.2018 / 15:11
"Дзяржава не выконвае сваіх міжнародных абавязкаў" (с) Яна ніякіх не выконвае, пустая справа
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31