У Столінскім раёне зборшчыкі ягад знайшлі парэшткі чалавека, які прапаў шэсць гадоў таму

На Століншчыне зборшчыкі ягад знайшлі ў лесе чалавечыя рэшткі, паведамілі БЕЛТА ва УУС Брэсцкага аблвыканкама.

Мясцовыя жыхары днём 24 верасня збіралі журавіны ля вёскі Хотамель. У цяжкапраходнай частцы лесу яны натыкнуліся на шкілетаваныя рэшткі чалавека. У міліцыі мяркуюць, што загінулы можа быць жыхаром Хотамель 1983 года нараджэння, якога ўжо шэсць гадоў шукаюць як без вестак зніклага.

Праводзіцца праверка. Прызначаная экспертыза, якая дакладна ўстановіць асобу памерлага.

0

0

0

0

0

0