У Верхнядзвінскім раёне матацыкл урэзаўся ў цягнік. Бацька загінуў, 14-гадовы сын страціў нагу
У Верхнядзвінскім раёне пры сутыкненні матацыкла з цягніком кіроўца загінуў, пасажыр страціў нагу, паведамляе БелТА.
Інцыдэнт адбыўся 22 верасня ў 17.10 каля вёскі Марцінава. Бацька з сынам на матацыкле ехалі да бабулі. Прыкладна за 40 метраў да чыгуначнага пераезда кіроўца, калі ўбачыў, што не паспявае пераехаць, пачынае тармазіць і з'язджае на правую абочыну, дзе збівае апошні загараджальны слупок пераезда. Сваякі ўрэзаліся ў склад грузавога цягніка.
У выніку ДТЗ кіроўца памёр на месцы, у яго 14-гадовага сына адарвала левую нагу, ён таксама атрымаў удары. Хлопца адвезлі ў рэанімацыйнае аддзяленне Верхнядзвінскай бальніцы. Машыніст цягніка не заўважыў сутыкнення і паехаў далей па маршруце.
Міліцыю выклікалі відавочцы. Бацька і сын ехалі ў шлемах, на матацыкл меліся ўсе неабходныя дакументы.
