Даслаць навіну
Знайсці
21.09.2018 / 18:23 48

Чаргінец, Ярмоленка, Шабановіч: Мы нават не бачылі заяву ў падтрымку РПЦ, пад якой нібыта падпісаліся

Існуе такая структура, як «грамадская палата Саюзнай дзяржавы Беларусі і Расіі». Утвораная яна была летась у Мінску, увайшлі ў палату вядомыя ў Беларусі і Расіі асобы: рэлігійныя дзеячы, палітыкі, спартсмены, касманаўты. Усяго больш за 200 чалавек. Офіс арганізацыі знаходзіцца ў Маскве.

Павялічыць выяву

Фота з сайт op-soyuz.ru.

«Міжнародная экспертная і камунікацыйная пляцоўка, створаная з мэтай служыць умацаванню раўнапраўнага і ўзаемапаважлівага расійска-беларускага супрацоўніцтва», — гаворыцца на сайце арганізацыі.

Узровень сустрэч і прыёмаў у грамадскай палаты дастаткова высокі. Напрыклад, іх прымаў у сябе былы прэм’ер Беларусі Андрэй Кабякоў. Свае імпрэзы палата ладзіць на сцэне Дзяржаўнага крамлёўскага палаца ў Маскве.

19 верасня на сайце грамадскай палаты саюзнай дзяржавы з’явілася заява ад імя арганізацыі, у якой з асуджэннем гаворыцца пра спробы Украінскай праваслаўнай царквы дабіцца аўтакефаліі.

«Грамадская палата саюзнай дзяржавы Беларусі і Расіі цалкам падтрымлівае рашэнне Святога сінода Рускай праваслаўнай царквы, які 14 верасня 2018 года прыпыніў памінанне Патрыярха Канстанцінопальскага Варфаламея I і сумеснае служэнне з падпарадкаванай яму іерархіяй, а таксама прыняў шэраг іншых мер у дачыненні да Канстанцінопальскага Патрыярхата», — гаворыцца ў заяве.

Далей у тэксце гаворыцца пра «падступнае ўварванне на кананічную тэрыторыю РПЦ», гэта значыць Украіну. Адзначаецца, што дзеянні Канстанцінопальскага Патрыярхата накіраваныя на знішчэнне праваслаўя.

«Лічым небяспечнай працу ў Беларусі і Расіі структур украінскіх псеўдаправаслаўных раскольнікаў, якія могуць расхістваць грамадзянскае адзінства нашых грамадстваў, асабліва ў выпадку «легітымізацыі» іх Канстанцінопалем», — адзначаецца ў заяве.

Мы патэлефанавалі некаторым вядомым беларускім сябрам грамадскай палаты. Ніхто не чуў нічога пра падобны зварот.

Старшыня дзяржаўнага Саюза пісьменнікаў Мікалай Чаргінец кажа: «Шчыра кажучы, не бачыў і не чытаў. Мая пазіцыя наступная — раздзел цэркваў немэтазгодны. Гэта вядзе да расколу ў грамадстве».

Спявак Анатоль Ярмоленка таксама не бачыў тэксту звароту. «Я не буду нічога каментаваць, бо не бачыў яго».

Урэшце муфтый Мусульманскага рэлігійнага аб’ядання ў Рэспубліцы Беларусь Абу-Бекір Шабановіч таксама кажа, што «ніхто не ставіў яго ў вядомасць» адносна такога звароту.

Выходзіць, што нехта ў Маскве робіць палітычныя заявы, нават не цікавячыся пазіцыяй беларускіх сябраў грамадскай палаты. Тым самым, выкарыстоўваючы іх вядомасць, аўтарытэт і імя ў сваіх мэтах.

Сябрамі палаты таксама з’яўляюцца атлет Фомачкін, які пранёс расійскі сцяг на адкрыцці Паралімпіяды ў Рыа, Андрэй Герашчанка, якога звольнілі ў Віцебску з працы за адмаўленне незалежнасці Беларусі, паэт-славянафіл Анатоль Аўруцін, вядомы сваімі імперскімі поглядамі Сяргей Бабурын, акцёр Уладзімір Гасцюхін, дачка Пятра Машэрава Наталля, касманаўты Клімук і Навіцкі, святар Усевалад Чаплін і многія іншыя.

Зміцер Панкавец

0
гусь крыштальная / адказаць
23.09.2018 / 09:27
Алена
няхай вас гэта не бянтэжыць.
іх запыталі - яны адказалі што ня супраць але не падпісвалі.
звычайная практыка прыўладных асобаў аўтарытарных дзяржаваў.
з аднаго боку - аб гэтым як нязгодзе скажуць іншыя.
а зь іншага боку - камень у тых хто не даў на подпіс.
і такія звароты не практыкуецца асабліва ўзгадняць.
толькі калі трэба зацугляць альбо запляміць тых хто можа сумнявацца.
а тыя хто сёньня паціскаюць плячыма - заўтра падтрымаюць больш небясьпечную дамову - і такія дамовы красівымі словамі заўсёды пішуць.
а ГЭТЫ зварот магчыма лічаць нявартым свайго маштабу альбо свайго месца пры тутэйшай уладзе.
альбо крыўду якую маюць.
альбо момант ня той.
а нават калі не асабліва агрэсіўныя ў гэтым пытаньні - гэта іх асабісты плюс але не грамадзкае значаньне.
бо менталітэт прыўладнасьці пераможа паважлівасьць разуменьне і адвагу.


0
raul gonzalez / адказаць
24.09.2018 / 11:55
бесполезная структура....  " за чей счет этот банкет  ?" (с)
0
Litvin / адказаць
02.10.2018 / 15:34
Беларусь, Літва і Украіна – не вотчыны Маскоўскага патрыярхату

"Як вядома, Маскоўская Патрыярхія была прызнана Усяленскім Патрыярхам у 1589 г. у межах тагачаснае Маскоўскае дзяржавы. У 1685 г. Масква фактычна, а ў наступным годзе (з «падачы» асманскага візіра) і юрыдычна «прыхапіла» Кіеўскую мітраполію. Аднак у 1924 годзе Усяленскі Патрыярх Грыгоры VII, надаючы аўтакефалію Польскай Праваслаўнай Царкве, у склад якой была ўлучана значная частка былой Кіеўскай мітраполіі, у тым ліку Заходняя Беларусь з Віленшчынай, у сваім томасе заявіў, што

    «аддзяленне ад Нашага Пасаду Кіеўскай мітраполіі і залежных ад яе Праваслаўных Мітраполіяў Літвы (Вялікага Княства Літоўскага. — Рэд.) і Польшчы (Кароны Польскай. — Рэд.), а роўна далучэнне іх да святой Маскоўскай Царквы наступіла не паводле кананічных правілаў
   [URL=" https://nn.by/?c=ar&i=59726"] https://nn.by/?c=ar&i=59726[/URL]"
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31