Даслаць навіну
Знайсці
20.09.2018 / 21:16 50

Вясковы дзед закахаўся ў маладую дзяўчыну і ўзарваў ёй дом — падрабязнасці

15 верасня ў вёсцы Насовічы, што ў Добрушскім раёне, грымнуў выбух. Не надта вялікі, на шчасце, у адным з мясцовых дамоў выбіла шыбу ды трохі параніла мужчыну. Цікава, што прычынай «тэракту» стала нераздзеленае каханне мясцовага пенсіянера да маладой дзяўчыны, паведамілі гомельскія «Моцныя навіны».

Пра 61-гадовага Уладзіміра Іванавіча жыхары Насовіч адгукаюцца станоўча. Кажуць, добры мужык, адэкватны, не алкаголік. Раней працаваў трактарыстам. Выдатна ведаў сваю працу, добры работнік, «з галавой», заўсёды меў розум.

Але ж на пенсіі розум Уладзміра Іванавіча трохі засланіла каханне да мясцовай жыхаркі.

Настассі — 29 гадоў. Пра яе мясцовыя кажуць так: «Кахае ўсіх — вось яе занятак».

Жанчына нідзе не працуе. Яна замужам, муж ездзіць на вахты ў Расію, працуе там на будоўлях кранаўшчыком.

Праўда, як кажуць у Насовічах, наяўнасць мужа не перашкаджае Анастасіі заводзіць часовыя раманы.

Але ж на каханне пенсіянера жанчына не адказала. Яна знайшла сабе іншага «фаварыта» — мясцовага хлопца, амаль свайго равесніка. Той нідзе не працаваў, выпіваў, але ўсё ж падабаўся Настассі больш за пажылога кавалера.

Цікава, што не толькі Анастасія замужам. Жанаты і Уладзімір Іванавіч. Мае дзяцей і нават унукаў. «Дзеці яго старэйшыя за тую каханку», — кажуць у Насовічах.

Але ж шлюб шлюбам, а каханне аказалася мацнейшым. Мацнейшым настолькі, што Уладзімір Іванавіч вырашыў — не мне, дык нікому. І сабраў самаробнае выбуховае прыстасаванне. А пасля — прымацаваў яго на шыбу ў доме сваёй каханай.

Выбух быў не вельмі моцным, ад яго выбіла шыбу і трохі параніла маладога палюбоўніка Анастасіі.

У выніку пенсіянера затрымалі. Мясцовая міліцыя і Следчы камітэт пакуль не пракаментавалі сітуацыю.

УШ

1
Елена / адказаць
22.09.2018 / 10:28
Довольно глупый экземпляр. Все давно засохло, а мозгов с возрастом не добавилось. Молоденьким такие не нужны. 
1
Лора / адказаць
22.09.2018 / 11:36
Петик, вы дурак?
0
ПАЗІТЫЎ / адказаць
24.09.2018 / 14:07
А  я прачытала: "... і падараваў ей дом" Толькі не ў нас.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31