Знайсці
19.09.2018 / 18:1545РусŁacБел

Анатоль Лябедзька знайшоў новую працу

Цяпер Анатоль Лябедзька стаў заснавальнікам і дырэктарам установы «Еўрапейскі дыялог».

Лябедзька, які яшчэ да ліпеня быў старшынёй палітычнай партыі АГП, стаў дырэктарам новай установы. Што ж гэта за новая арганізацыя? «Убачыце па справах», — адразу адказвае Лябедзька.

Па ягоных словах, «Еўрапейскі дыялог» на 2019 год рыхтуе тры буйныя канферэнцыі. «Гэта будзе незалежная пляцоўка, свабодная ад цэнзуры. У нас існуе «Мінскі дыялог», але ён набліжаны да ўладаў, таму арганізатары асцярожныя ў выбары тэмаў і ўдзельнікаў. У нас не будзе ніякай цэнзуры і самацэнзуры», — кажа Лябедзька.

На якія ж тэмы пройдуць канферэнцыі? «Беларуска-расійскія адносіны не з калідораў улады, а погляд збоку. Будзе запрошаная вялікая колькасць расійскіх незалежных экспертаў. Пасля гэта тэма «Беларусь і NATO». Нам трэба гаварыць пра гэтую арганізацыю. Ну і трэцяя тэма — эканоміка, хочам прывезці экспертаў з суседніх дзяржаваў, якія правялі ў сваіх краінах удалыя эканамічныя рэформы», — расказвае палітык.

Некалькі драбнейшых мерапрыемстваў пад эгідай «Еўрапейскага дыялогу» могуць адбыцца ўжо сёлета. Напрыклад, семінар па выбарчым заканадаўстве, аб роўнасці мужчын і жанчын. «Таксама мы хочам выйсці на малыя гарады, дзе няма партыйных структур, СМІ, грамадскіх арганізацый, і там вучыць людзей размаўляць, паводзіць сябе з прадстаўнікамі вертыкалі».

Дзяржаўную рэгістрацыю «Еўрапейскі дыялог» атрымаў яшчэ ў сакавіку, а ў жніўні быў адкрыты банкаўскі рахунак. Лябедзька ўпэўнены, што здольны праводзіць эфектыўныя кампаніі па фандрайзінгу (збору ахвяраванняў) — гэта і будзе крыніцай фінансавання арганізацыі.

Зміцер Панкавец

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031