Даслаць навіну
Знайсці
17.09.2018 / 20:38 4

Румасу знайшлі замену ў Банку развіцця. Хто такая Таццяна Сасноўская?

Таццяна Сасноўская стала выканаўцам абавязкаў старшыні праўлення Банка развіцця. Пасада пустуе з сярэдзіны жніўня, калі Сяргей Румас быў прызначаны прэм’ер-міністрам.

Павялічыць выяву

Сяргей Румас і Таццяна Сасноўская. Фота brrb.by.

Таццяне Сасноўскай 43 гады. Яна родам з Мінска. Вучылася ў школе №137 на вуліцы Каліноўскага. Скончыла наргас. Ад 1993 года працавала ў структуры «Белаграпрамбанка». Дарэчы, менавіта гэты банк узначальваў Сяргей Румас (2005—2010).

У «Белаграпрамбанку» Сасноўская адпрацавала 18 гадоў. Калі ў 2011 годзе Лукашэнка стварыў Банк развіцця, то перайшла на працу туды. Да таго, як кіраўніком праўлення быў прызначаны Сяргей Румас, ужо выконвала абавязкі кіраўніка структуры.

Павялічыць выяву

Фота vk.com.

У 2013 годзе Сасноўская была прызначаная першай намесніцай старшыні праўлення Банка развіцця. Курыравала пытанні крэдытавання дзяржаўных праграм, прыцягнення карпаратыўных кліентаў, дрэваапрацоўкі.

Адметна, што Таццяна Сасноўская была слухачкай у бізнэс-школе ІПМ, якую ўзначальвае вядомы эканаміст Павел Данэйка.

«Выдатна вучылася, у маім разуменні — гэта бліскучы розум. Яна разумная, энергічная, эфектыўная. Гэта адна з выпускніц, якія з’яўляюцца гонарам школы», — адзначае Данэйка.

Павялічыць выяву

Фота vk.com.

У Таццяна Сасноўскай ёсць 19-гадовая дачка Ксенія, якая навучаецца на бізнэс-адміністраванні ў БДУ. Адметна, што дачка публікуе ў сацсетках фотаздымкі ў майцы гурта Brutto, у якім грае Сяргей Міхалок.

Павялічыць выяву

Фота з vk.com.

Сама Таццяна разам з дачкой хадзіла ў Мінску на канцэрт гурта «Звери». Банкірка падпісаная ў сацсетках на суполкі пра недарагія туры з Мінска, а таксама на kvitki.by.

Зміцер Панкавец

1
1 / адказаць
18.09.2018 / 10:05
знайшлі замену ў банку, знойдуць і ва ўрадзе
2
Зiма / адказаць
18.09.2018 / 22:14
хлеб--кірпіч, таму што яны развiтыя. Яны ж з банка развiцця. А дзярэуня неразвiтая. Iм там няма чаго рабiць з блiскучым розумам.
0
Застабилий Чаркашкваркович / адказаць
19.09.2018 / 18:00
хлеб--кірпіч
А чаму яны ўсе фоткаюцца ў Парыжах,Стакгольмах,Капенгагенах,а не ў беларускай дзярэўні.
----------------------------------------------------------------------------

Патаму шта там ани ишчо не бывали
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31