Футбаліст завяршыў кар'еру проста ў перапынку матча
Фота з твітара Вонты Дэвіса
Корнербек клуба (размова пра амерыканскі футбол) Нацыянальнай футбольнай лігі (НФЛ) «Бафала Білс» амерыканец Вонта Дэвіс пакінуў стадыён у перапынку матчу супраць «Лос-Анджэлес Чарджэрс», пасля чаго абвясціў пра завяршэнне кар'еры.
Футбаліст падчас перапынку накіраваўся ў распранальню, пераапрануўся і пакінуў стадыён. Адзін з аднаклубнікаў Дэвіса назваў яго паводзіны «абсалютна непаважлівымі». «Білс» саступілі ў гэтай сустрэчы 6:28. Пазней, сам гулец патлумачыў тое, што здарылася, апублікаваўшы пост у Instagram.
Паводле яго слоў, за дзесяцігадовую кар'еру ён прайшоў праз чараду траўмаў і аперацый, прымушаючы сваё цела быць гатовым да кожнай гульні. «Калі я выйшаў у гэты вечар на поле я жорстка і хутка сутыкнуўся з рэальнасцю: я зразумеў, мне тут больш не месца», - падкрэсліў 30-гадовы спартсмен.