Знайшліся новыя доказы сувязі «Пятрова» з расійскай разведкай
Журналісты расійскай «Новай газеты» знайшлі доказы, якія могуць сведчыць аб дачыненні падазраваных у атручванні Скрыпалёў Аляксандра Пятрова і Руслана Башырава да Міністэрства абароны Расіі.
У даведцы Федэральнай міграцыйнай службы на імя аднаго з падазраваных Аляксандра Пятрова ёсць паметка «звестак не даваць», і ў ёй напісаны тэлефон: 195-79-66.
Паводле журналістаў, гэты нумар адносіцца да Харошаўскага раёна Масквы, у якім знаходзіцца штаб Галоўнага разведвальнага ўпраўлення Мінабароны Расіі.
Акрамя таго, калі ў любым пошукавіку ўвесці першыя пяць лічбаў з даведкі на Пятрова, то знойдзецца некалькі нумароў тэлефонаў падраздзяленняў і падведамных структур Мінабароны.
«Хутчэй за ўсё, нумар у даведцы ФМС на Пятрова, — гэта тэлефон аддзела кадраў месца, дзе яны служаць», — цытуе выданне былога супрацоўніка спецслужб.
Чытайце таксама: У заяўцы на пашпарт «Пятрова» з Солсберы ёсць паметка ад спецслужб ФОТА
