Даслаць навіну
Знайсці
13.09.2018 / 17:14 163

Падазраваныя ў атручванні Скрыпалёў: Мы лёталі ў Солсберы паглядзець сабор — эпічнае ВІДЭА 

Павялічыць выяву

flickr.com

Аляксандр Пятроў і Руслан Башыраў заявілі ў інтэрв'ю галоўнаму рэдактару RT Маргарыце Сіманьян, што на фотаздымках, якія распаўсюдзіла брытанская паліцыя, сапраўды яны.

«Мы адлюстраваныя на тых фотаздымках», — сказаў Пятроў. На заўвагу аб тым, што яны выглядаюць даволі напружанымі, Башыраў адказаў пытаннем: «А як бы вы выглядалі?».

«Калі наша жыццё вось так вось раз і перакулілі з ног на галаву. Проста зламалі», — дадаў ён.

Адказваючы на пытанне аб тым, чаму мэтай свайго візіту мужчыны выбралі менавіта Солсберы, Пятроў сказаў, што наведаць гэты «выдатны» горад ім параілі сябры.

«Турыстычны горад, — дадаў Башыраў. — Там ёсць знакаміты сабор. Ён знакаміты ў Еўропе. Знакаміты сваімі гадзіннікам, які да гэтага часу працуе».

Яны сказалі, што прыехалі ў Солсберы як турысты.

Пра тое, ці наведвалі дом Скрыпалёў

А.П.: Можа, мы да яго і падыходзілі, калі б мы ведалі дзе ён.

Р.Б.: Вы ведаеце, дзе дом Скрыпаля? Я ўвогуле не ведаю. Да вось гэтай сітуацыі, пакуль не пачаўся гэты кашмар з намі, я не чуў гэтае прозвішча, я не ведаў нічога пра іх.

Пра яд «Навічок» або флакон духоў у багажы

А.П.: Не [не вёз небяспечныя рэчывы з сабой]. Мне здаецца, гэта наогул трызненне.

Р.Б.: Нармальным мужыкам з сабой вазіць жаночыя духі — гэта не па-дурному? Рэальна, калі праходзіш мытню, правяраюць усе рэчы. Калі б у нас нешта было б, у іх паўсталі б тыя ж пытанні — навошта ў мужчыны ў багажы ляжаць жаночыя духі?!

Пра тое, чаму ездзяць разам

Р.Б.: Давайце мы не будзем лезці ў прыватнае жыццё, у асабістае жыццё. Мы прыйшлі сюды да вас па абарону. А ў нас атрымліваецца нейкі допыт. Мы ў вас абароны просім, мы не на допыце.

Чаму вырашылі выступіць у СМІ

Р.Б.: Хочам папрасіць абароны, дапамогі. Гэта [зварот Пуціна выступіць у прэсе] было штуршком патэлефанаваць вам.

А.П.: Хутчэй за ўсё [у адваротным выпадку], гэта было б выкладзена ў сетку ў выглядзе відэазвароту. Мы раней не сутыкаліся ніколі са СМІ. І было б прасцей выказаць ўсё менавіта ў інтэрнэце.

Пра тое, ці працуюць у ГРУ

Р.Б.: А вы працуеце ў ГРУ? Я не.

А.П.: І я не.

Пра тое, дзе працуюць і чым займаюцца ў Расіі

А.П.: Мы прадпрымальнікі сярэдняй рукі. Проста калі мы зараз раскажам пра наш бізнэс, то пацерпяць людзі, з якімі мы працуем, а яшчэ мы звузім кола для пошуку вашых калег [журналістаў]. […] Калі сцісла — гэта фітнес-індустрыя.

Аб частых паездках у Еўропу і Швейцарыю (паводле брытанскай разведкі)

Р.Б.: Прыляцець у Жэневу — гэта нармальна. Гэта найбліжэйшы шлях даехаць да Манблана. Паехаць у Францыю, наведаць Францыю — гэта нармальна.

Пра англійскую мову

А.П.: У мяне крыху лепей з англійскай — я заўсёды Руслану дапамагаю. Таму ўсе мытні праходзім разам.

Пра тое, што будуць рабіць далей

Калі ёсць такая магчымасць, проста пакіньце нас у спакоі, калі ласка.

Чытайце таксама: Два мужыкі прыехалі глядзець на шпілі: сацыяльныя сеткі высмеялі расказ Пятрова і Башырава пра паездку ў Солсберы

0
Павел Ас / адказаць
16.09.2018 / 21:11
Геі і лузеры :) І як такіх у ГРУ трымаюць, хаця відавочна там УСЕ ТАКІЯ :(
0
Павел / адказаць
21.09.2018 / 09:01
А потым яны дзiуным чынам "ЗНIКНУЦЬ" назауседы.
0
Уладзімер / адказаць
22.09.2018 / 09:08
клоўны
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30