Ці будзе першая параза «Шахцёра» пры Ташуеве і чым скончыцца бітва лузераў? Пытанні 21-га тура вышэйшай лігі
Разам з Букмекерскай канторай Марафон раскажам, што цікавага можа адбыцца ў дваццаць першым туры вышэйшай лігі.
Пасля двухтыднёвай міжнароднай паўзы вяртаецца чэмпіянат Беларусі па футболе. Мінулі дзве траціны першынства, наперадзе — кульмінацыя і развязка футбольнага сезона.
«Прамень» — «Тарпеда-Мінск»
- 14.09 / 18:30. Мінск, САК «Алімпійскі»
- Каэфіцыенты: «Прамень» (перамога) — 2.41, нічыя — 2.90, «Тарпеда» (перамога) — 3.28
Гульня дзвюх апошніх каманд чэмпіянату, за якой з мінулага сезона цягнецца шлейф прынцыповасці.
У першым коле мацнейшымі былі падначаленыя Івана Біёнчыка, і пасля гэтага нібы адрэзала — 0 перамог за 15 тураў. І ёсць нарэшце добрая магчымасць гэтую ганебную серыю перарваць. У гэтым ім мусіць дапамагчы форвард Лука Роткавіч, які некалі гуляў за мінскае «Дынама».
У «Тарпеда» сітуацыя крыху менш катастрафічная, але то такое ў змаганні за званне найлепшага з лузераў «вышкі».
Прагноз «НН»: «Прамень» не саступіць.
«Мінск» — «Віцебск»
- 15.09 / 14:30. Стадыён ФК «Мінск»
- Каэфіцыенты: «Мінск» (перамога) — 5.80, нічыя — 3.26, «Віцебск» (перамога) — 1.71
Неблагі шанец для «Віцебска» замацавацца на п'едэстале. З улікам таго, что пераследнікі з мінскага «Дынама» і «Шахцёра» гуляюць паміж сабой і хтосьці з іх абавязкова турнірныя балы згубіць.
Фота: ФК «Віцебск»
«Мінск» жа знаходзіцца ў хісткім стане — пачынаецца жорсткая барацьба за выжыванне, і проста аддаваць балы падначаленыя Аляксандра Лухвіча дакладна не захочуць.
Прагноз «НН»: «Віцебск» пераможа.
«Шахцёр» — «Дынама-Мінск»
- 15.09 / 18:30. Салігорск, стадыён «Будаўнік»
- Каэфіцыенты: «Шахцёр» (перамога) — 2.34, нічыя — 3.22, «Дынама» (перамога) — 3.06
Жалезабетонны матч тура. Можна меркаваць, што ў суботу вызначыцца галоўны канкурэнт БАТЭ ў барацьбе за чэмпіёнства.
Матч першага кола скончыўся нулявой нічыёй. Фота ФК «Шахцёр».
«Дынама» ў рэшце рэшт перамагло, чым крыху парадавала заўзятараў. Але няма часу расслабляцца, наперадзе — «Шахцёр», які пры Ташуеве яшчэ наогул у чэмпіянаце сваіх прыхільнікаў не засмучваў.
Прагноз «НН»: «Шахцёр» не саступіць.
БАТЭ — «Дняпро»
- 15.09 / 20:45. «Барысаў-Арэна»
- Каэфіцыенты: БАТЭ (перамога) — 1.15, нічыя — 7.00, «Дняпро» (перамога) — 19.50
Не дапамагае пакуль «Дняпру» і трэнерская ракіроўка — як не было перамог, так і цяпер няма. А ад апошняга месца — усяго адзін бал адрыву.
Але трэба карыстацца тым, што шмат гульцоў БАТЭ было задзейнічана ў гульнях нацыянальнай і моладзевай зборных, і, хутчэй за ўсё, Аляксей Бага захоча паберагчы лідараў.
Прагноз «НН»: перамога БАТЭ.
«Смалявічы» — «Слуцк»
- 16.09 / 15:45. А/г Кастрычніцкі
- Каэфіцыенты: «Смалявічы» (перамога) — 2.59, нічыя — 3.25, «Слуцк» (перамога) — 2.70
«Слуцк» выдае вельмі стабільны сезон, перамагаючы андэрдогаў і саступаючы беларускім футбольным топам. У першым коле так ад Шыкаўкі пацярпелі і «Смалявічы».
Як будзе на гэты раз, невядома. «Смалявічы» вярнуліся на намінальна родную сінтэтыку ў Кастрычніцкім, Шыкаўка вярнуўся са зборнай — паглядзім, як гэтыя фактары паўплываюць на гульню.
Прагноз «НН»: тотал меншы за 2,5.
«Нёман» — «Іслач»
- 16.09 / 17:45. Гродна, ЦСК «Нёман»
- Каэфіцыенты: «Нёман» (перамога) — 2.10, нічыя — 3.00, «Іслач» (перамога) — 3.94
Неблагі шанец для гарадзенцаў крыху падладзіць турнірнае становішча. «Іслач» не перамагае з чэрвеня, галоўны трэнер вінаваціць у гэтым то ўзроставых гульцоў (іх памянялі на маладых — эфекту пакуль няма), то суддзяў.
Можа, у Гродне нейкія нябесныя сілы падключацца, не ведаем.
Прагноз «НН»: перамога «Нёмана».
«Дынама-Брэст» — «Тарпеда-БелАЗ»
- 16.09 / 19:45. Брэст, ДАСК «Брэсцкі»
- Каэфіцыенты: «Дынама» (перамога) — 1.952, нічыя — 3.32, «Тарпеда» (перамога) — 4.00
Гэты сезон брэсцкай каманды нагадвае ўсім вядомую казку пра залатую рыбку. Дакладней, яе канцоўку — пра разбітае карыта.
Марадона, аказваецца, нічога не падпісваў з беларусамі, але тут яшчэ пытаннечка, мо Дыега і забыўся. Але наўрад ці мы аргенцінца ў найбліжэйшы час пабачым у Беларусі.
Што дакладна, дык гэта тое, што АБФФ абавязала «Дынама» выплаціць «Нёману» 398 тысяч даляраў за трансфер Паўла Савіцкага.
Украінец Аляксей Хабленка нарэшце здолеў адзначыцца ў складзе «Дынама». Фота ФК «Дынама-Брэст».
Тут яшчэ на носе гульня з жодзінцамі, якія добра ведаюць, як выйграваць у берасцейцаў, і вельмі гэтага хочуць, каб вярнуцца ў барацьбу за найвышэйшыя месцы.
Прагноз «НН»: перамога «Тарпеда».
«Гомель» — «Гарадзея»
- 17.09 / 19:00. Гомель, стадыён «Цэнтральны»
- Каэфіцыенты: «Гомель» (перамога) — 2.26, нічыя — 3.15, «Гарадзея» (перамога) — 3.30
Дуэль дзвюх каманд, якія знаходзяцца на ўздыме. У «Гарадзеі» — 13 балаў у апошніх пяці турах. У «Гомеля» - 16 з 18-ці магчымых балаў за шэсць папярэдніх матчаў чэмпіянату.
Фота ФК «Гомель».
Гэтыя серыі дазволілі камандам ускочыць у сярэдзіну табліцы і развітацца з барацьбой за выжыванне. Цікава, як скончыцца вочная гульня двух «бела-зялёных» калектываў.
Прагноз «НН»: «Гомель» не саступіць.
Пакуль не пахаладала, завітай на стадыён! Каб было яшчэ цікавей сачыць за футболам, зрабі стаўку ў Букмекерскай канторы Марафон!