БПЦ: Мы супраць «агрэсіўнага ўмяшання» Канстанцінопаля ва ўнутраныя справы РПЦ ва Украіне
Беларускі экзархат Рускай праваслаўнай царквы выступіў супраць «агрэсіўнага ўмяшання» Канстанцінопальскага патрыярхата ва ўнутраныя справы РПЦ ва Украіне. Зварот змешчаны на сайце Беларускага экзарзата.
У сувязі з праяўленым антыкананічным умяшаннем Патрыярха Канстанцінопальскага Варфаламея ва ўнутраныя справы РПЦ Сінод Беларускай Праваслаўнай Царквы пастанавіў:
1. Аднагалосна і аднадушна падтрымаць пазіцыю Свяцейшага Патрыярха Маскоўскага і ўсёй Русі Кірыла і Святога Сінода Рускай Праваслаўнай Царквы, выяўленую ў афіцыйнай Заяве ад 8 верасня 2018 года, у сувязі з прызначэннем двух іерархаў Канстанцінопальскага Патрыярхата — архіепіскапа Памфілійскага Данііла і епіскапа Эдмантанскага Іларыёна — «экзархамі» Канстанцінопальскага патрыярхата ў горад Кіеў.
2. Выказаць пратэст супраць дзеяння Канстанцінопальскага Патрыярхата, бо яно прадстаўляе сабой агрэсіўнае ўмяшанне адной Памеснай Царквы ва ўнутраныя справы іншай Памеснай Царквы, накіраванае на падрыў асноў Міжправаслаўнага міру і адзінства.
Сінод БПЦ таксама выказвае ўсебаковую падтрымку мітрапаліту Кіеўскаму і ўсёй Украіны Ануфрыю — кананічнаму Прадстаяцелю УПЦ, а таксама заклікае сведчыць аб непарыўным духоўным адзінстве «праваслаўных хрысціян брацкіх народаў Беларусі, Расіі і Украіны — дзяцей РПЦ, што паходзяць з Кіеўскай хрысцільнай купелі».
Рашэнне пра аўтакефалію Украінскай праваслаўнай царкве пацверджанае
РПЦ пагражае Канстанцінопалю разрывам адносінаў з-за «ўкраінскага пытання»
РПЦ убачыла ў дзеяннях Канстанцінопаля пагрозу ўсяму сусветнаму праваслаўю
