Даслаць навіну
Знайсці
11.09.2018 / 15:51 15

Кніга Арлова і Герасімовіча «Краіна Беларусь. Вялікае Княства Літоўскае» выйшла па-англійску

Павялічыць выяву

Кніга Ўладзімера Арлова і Зьмітра Герасімовіча «Belarus.The Epoch of the Grand Duchy of Lithuania» ў перакладзе на ангельскую мову вядомага брытанскага беларусіста Джыма Дынглі (Jim Dingley) зьявілася з друку ў Вільні пад грыфам выдавецтва Technalohija, піша радыё «Свабода».

У арыгінале кніга «Краіна Беларусь. Вялікае Княства Літоўскае» выйшла шэсьць гадоў таму і займела вялікі посьпех ня толькі ў Беларусі. Яна прысьвечаная найцікавейшай эпосе беларускай мінуўшчыны — часам Вялікага Княства Літоўскага, якое сваёй гістарычнай радзімай лічаць ня толькі беларусы і літоўцы, але і ўкраінцы, а таксама беларускія татары і габрэі-літвакі.

Беларускія землі адыгрывалі ў ВКЛ вызначальную ролю, а старабеларуская мова была дзяржаўнай. Менавіта таму кніга мае на мэце расказаць найперш пра дзяржаватворчую ролю беларусаў у гэтай магутнай эўрапейскай дзяржаве і дае англамоўнаму чытачу магчымасьць даведацца пра гісторыю ВКЛ зь беларускага гледзішча.

Арыгінал кнігі «Краіна Беларусь. Вялікае Княства Літоўскае» па-беларуску, выдадзены ў 2012 годзе

Belarus. The Epoch of the Grand Duchy of Lithuania — займальны і даступны расповед пра палітыку і гаспадарку, жыцьцё і побыт, ваенныя перамогі і культурныя дасягненьні «літвінаў» у «Літве». Гэтыя назвы на працягу некалькіх стагодзьдзяў былі назвамі беларусаў і Беларусі, гісторыя якой разглядаецца ў кнізе як частка агульнаэўрапейскага руху цывілізацыі.

Паводле Ўладзімера Арлова, «гэта кніга пра тое, што беларусы гістарычна, мэнтальна — эўрапейскі народ. У нас эўрапейская гісторыя, і гэта пропуск у нашу эўрапейскую будучыню».

Пад маляўнічай вокладкай Belarus. The Epoch of the Grand Duchy of Lithuania — каля 400 старонак гісторыі і прыкладна 2 тысячы ілюстрацый. Аздабленьне выданьня — заслуга мастака Зьмітра Герасімовіча. Для ілюстраваньня кнігі выкарыстаныя мноства дакумэнтаў, старых мап, летапісных мініятур і сярэднявечных гравюраў, у тым ліку ўнікальныя ілюстрацыі з прыватных калекцыяў Аўстрыі, Нямеччыны, Польшчы і Літвы.

Гэта сапраўдны даведнік па часах ВКЛ і ня толькі. Аўтары вырашылі не абмяжоўвацца храналягічнымі межамі існаваньня ВКЛ: кніга пачынаецца матэрыяламі пра суіснаваньне балтаў і славян на беларускіх землях, а сканчаецца аповедам пра сёньняшняе жыцьцё беларусаў у Літве.

Belarus. The Epoch of the Grand Duchy of Lithuania — у пэўным сэнсе працяг першай гістарычнай англамоўнай кнігі Арлова і Герасімовіча, This Country Called Belarus, якая выйшла ў 2013 годзе накладам 3000 асобнікаў і знайшла ў сьвеце шмат удзячных чытачоў.

0
Лiтва - каранi трэба памятаць ды берагчы / адказаць
12.09.2018 / 20:56
РРР, так если на нас некоторые на картах пишут Балторуссия, то название Беларуси уже не считается? Или на землях ВКЛ все на латыне говорили, чтобы кальку названия с латыни делать? Литва, литвин. А как в Китае или в Конго называли литвинов и Литву, "гражданам" Литвы было по боку.
0
Лiтва - каранi трэба памятаць ды берагчы / адказаць
12.09.2018 / 20:57
Belarus. The Epoch of the Grand Duchy of Lithuania. Uladzimir Arlou. Zmicier Hierasimovic https://bookstore.lohvinau.by/product/belarus-the-epoch-of-the-grand-duchy-of-lithuania-uladzimir-arlou-zmicier-hierasimovic/
0
РРР / адказаць
15.09.2018 / 23:37
Лiтва - каранi трэба памятаць ды берагчы,

 законы мовы - гэта не лукашэнкаўскія законы: яны не перапісваюцца тысячагодзьдзямі!
Вы проста  не маеце зялёнага паняцьця пра законы гістарычных чаргаваньняў гукаў у германскіх мовах. І на гэтым невуцтве выбудоўваеце новую міталёгію, якая анічога, акрамя рогату, не выклікае...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30