Даслаць навіну
Знайсці
11.09.2018 / 09:29 42

У начальніка ЦЭЦ Гарадзейскага цукровага камбіната знайшлі цэлы арсенал — кулямёт, аўтаматы, вінтоўкі

48-гадовага Леаніда Штэйна затрымалі ўвечары 7 верасня ў Гомельскай вобласці, мужчына перавозіў 16 патронаў. Ужо на наступны дзень раніцай у горад прыехалі праваахоўныя органы, ператрус у адным толькі гаражы доўжыўся 12 гадзін. Паводле інфармацыі Tut.by, у сейфах знайшлі склад баявой зброі, таксама зброя была знойдзена ў кватэры Штэйна і на працоўным месцы.

Павялічыць выяву

Сілавікі затрымалі начальніка ЦЭЦ Гарадзейскага цукровага камбіната. Фота: Аксана Пятрова, Tut.by.

— Затрымалі яго за зброю, падрабязнасці казаць не хачу. Гэта ж вёска, усё ўжо абрасло плёткамі. Пакуль ішла з заводу да крамы, пачула тры розныя версіі, — распавядае мясцовая жыхарка.

Пра тое, што начальнік ЦЭЦ Гарадзейскага цукровага камбіната зараз пад следствам, у пасёлку ведаюць многія. І чым бліжэй іх дамы знаходзяцца да прадпрыемства, тым больш падрабязнасцяў яны ведаюць. У гэтым раёне знаходзіцца кватэра Штэйна, яго гараж і працоўны кабінет, тут цэлы дзень 8 верасня ішлі ператрусы. Кажуць, напярэдадні, раніцай 7 верасня, Леанід Штэйн некуды з'ехаў на машыне, з тых часоў яго не бачылі. Раніца суботы ў Гарадзеі пачалося з прыезду супрацоўнікаў праваахоўных органаў.

— Былі і міліцыянты, і людзі ў чорным. Яшчэ тады не ведала, што здарылася, таму адным вокам бачыла, што адбываецца каля гаража. Звярнула ўвагу на незвычайныя кардонныя скрынкі, — успамінае жыхарка пасёлка Гарадзея.

Яна, як і ўсе астатнія, адмаўляецца прадстаўляцца, тлумачыць гэта тым, што лішнія праблемы не патрэбныя і «хочацца спакойна працаваць». Па расказах мясцовых жыхароў, Леанід Штэйн родам з пасёлка, хтосьці памятае «Лёньку вось такім» і апускае рукі на ўзровень каленяў.

— Нармальны ціхі і спакойны хлопец. Па маладосці разам хадзілі ў трэнажорную залу, — адзначае Аляксандр, якога сустракаем каля гарадзейскі гасцініцы. — Яго затрыманне — поўная нечаканасць і шок. Каго заўгодна можна было падазраваць, толькі не яго.

Многія мяркуюць, што Штэйн чалавек замкнёны, сяброў і блізкіх няма.

— Яны з жонкай выходзілі з пад'езду, сядалі ў аўтамабіль і з'язджалі. Ён начальнік, — распавядае Tut.by сусед затрыманага. — Штэйн быў захоплены вырабам халоднай зброі, сам бачыў, як гадоў 15 таму на заводзе ён рабіў нажы і самаробны пісталет. Зброяй стаў захапляцца пасля арміі.

«У Леаніда ў гаражы былі сілуэты людзей з тварамі»

Леанід Штэйн жыве ў адной з кватэр двухпавярховага дома, калі прайсціся прама па вуліцы — у яркіх восеньскіх колерах патанае дом яго мамы. На званок ніхто не адказвае, крыху пазней сусед скажа: яна паехала на дачу, у Гарадзеі яе не будзе цэлы дзень.

Цагляны гараж жанчыны на ўскраіне вуліцы ўжо шмат гадоў належыць сыну Леаніду. Менавіта ў гэтым гаражы 8 верасня знайшлі баявую зброю.

— Ператрус доўжыўся з 4 раніцы да 5-й вечара, — распавядае сведка. — Знайшлі 19 адзінак баявой зброі: кулямёт, два аўтаматы Калашнікава, вінтоўкі. Усе захоўвалася ў жалезных сейфах, іх давялося адмыкаць. Супрацоўнікі, якія працавалі на месцы, казалі, гэту зброю ён збіраў 5-6 гадоў.

Сам Леанід Штэйн пры вобшуку не прысутнічаў, у суботу ператрус ішоў адначасова ў трох месцах: у гаражы, на кватэры начальніка ЦЭЦ і ў яго працоўным кабінеце.

Павялічыць выяву

У гэтым гаражы знайшлі склад зброі. Фота: Аксана Пятрова, Tut.by.

— Звычайна людзі страляюць па круглых мішэнях, у Леаніда ў гаражы былі сілуэты людзей з тварамі. Стаялі папяровыя жанчыны, мужчыны, адна мішэнь была прастрэленая. Зброя ўся была пустая, патроны былі асобна, — дадае сведка.

Суседзі Леаніда Штэйна распавядаюць: мужчына шмат гадоў таму служыў у арміі ў дэсантных войсках, калі вярнуўся, стаў рабіць нажы, дзяржальні. Калекцыянаваў халодную зброю, быў паляўнічым.

— У Лёні быў арсенал на ўсе выпадкі жыцця, вопісу на 10 старонак было, — кажа яшчэ адзін з відавочцаў.

Паводле непацверджанай інфармацыі, у сейфе працоўнага кабінета ў Леаніда Штэйна таксама знайшлі баявую зброю. Як ён мог прынесці ўсё на тэрыторыю камбіната, мясцовыя для сябе тлумачаць проста: «Ён начальнік, прыехаў на машыне, яму адкрылі шлагбаум, і спакойна праехаў».

У ААТ «Гарадзейскі цукровы камбінат» з журналістамі Tut.by адмовіліся размаўляць, начальнік аховы Віктар Парэйка не стаў тлумачыць, ці магчыма было пранесці зброю.

— Яна вам не адчыніць, можаце не званіць, — папярэджвае суседка Леаніда Штэйна, калі мы звонім у дзверы яго кватэры.

З жонкай Леаніда мы звязаліся па тэлефоне, яна адказала:

— Так, мужа затрымалі. Вычарпальную інфармацыю вы можаце атрымаць у праваахоўных органах або ў сваіх крыніцах. Я вам нічога казаць не буду.

На лесвічнай клетцы разам з сям'ёй Штэйн жывуць яшчэ дзве пары, пра Леаніда кажуць няшмат.

— Ведаем тое самае, што і ўсе. З намі ўжо гутарыў участковы, пытаўся, што ён за чалавек. Чалавек як чалавек. Дрэннага нічога не рабіў, яны жылі адасоблена. Прыйшлі з працы, дзверы на замок, і ўсё, іх не відаць, — распавядае пажылая пара. — Ведалі, што ў яго было паляўнічая стрэльба, міліцыя прыязджала правяраць умовы захоўвання, часам бачылі, як з зачахлёнай стрэльбай садзіўся ў машыну, ехаў на паляванне. Яго затрыманне — здзіўленне. Адразу падумалі, што на паляванні якога звера як браканьер застрэліў, але каб такое!

0
затычка от каждой бочки / адказаць
11.09.2018 / 12:45
Все возможности для преступников - это тюрьма. тогда это правовое государство
И всё таки есть преступление - ЗЛАЧЫНСТВА.
И есть нарушение закона - тут уже мораль.
Взял на себя обязательство совместное с согражданами - соблюдай.
А если не брал и не согласен - делай как знаешь.
Только сумей ответить и отстоять свою правду.
Это если не чинил заведомо зло или вред.
Тогда уже - преступник - ЗЛАЧЫНЕЦ.
И даже если соблюдаеш букву закона - ЗЛАЧЫНЕЦ.
И даже если блюдёш закон а чинил вред - трижды.


0
Бенедзікт / адказаць
11.09.2018 / 14:33
Вы вообще не в курсе что было и среди каких людей сейчас находитесь.  / Адказаць  11.09.2018 / 10:29 Бенедзікт, Кгбшников было полно. потому что оборонных предприятий было полно и никакая свинья не знала то. что знать не положено... ---------------------------------- Ваш страх, што беларусы ўзброўваюцца, як і ваша пазіцыя мне зразумелыя... Тое, што рабілася на Беларусі ў пасьляваенныя гады  і тое што робіцца зараз, мяркую мне нашмат лепш і больш вядома, чым вам.
Чэкістаў заўсёды было і ёсьць шмат, як скочак на бадзяжным сабаку, але гэта не дапамагло СССР, не дапаможа і зараз. Так што палохайце-палохайце, але не думайце, што вам вераць. Некага можа і падманіце, але не ўвесь народ.

https://nn.by/?c=ar&i=215719#startcomments

0
Чел / адказаць
11.09.2018 / 23:37
В штатах это нормальное явление. Ездим с мужиками на общественное стрельбище спускать пар. Кстати стрельбище бесплатное. И у меня в подвале тоже арсенал. Небольшой, но всё любимые раритеты. Карабин, пара пистолетов, револьвер. Есть еще ковбойский 1858 года, который на насыпном порохе. Он здесь вообще оружием не считается. Мне его по почте прислали.
Беларусь - дикая страна в этом отношении. Если бы я баллотировался здесь в президенты, то первый мой шаг был бы измененме конституции: 1) два раза по 4 года; 2) полная свобода оружия; 3) полная независимость судебной и законодательной власти от президента.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30