Страуса, што ўцёк у лес пад Асіповічамі, злавілі ФОТА

Страўса, што ўцёк ад гаспадароў у Асіповіцкім раёне, удалося злавіць у лесе. Пра гэта «Нашай Ніве» расказала Жанна Сталярова, гаспадыня птушкі.

Учорашні дзень страус прабегаў у лесе.

«Учора я толькі бачыла, як ён прабягае ўдалечыні. А сёння нам паведамілі, што страус выйшаў да людзей: ён жа прывык атрымліваць ежу і ваду ад людзей! Мы выехалі на месца. З дапамогай гэтых жа людзей мы яго адлавілі і даставілі дадому», — расказала Жанна.

Яна дзякуе ўсім, хто не застаўся абыякавы і дапамог у пошуках. «Страус цэлы! Не з'еў ніхто!»— не хавае эмоцый Жанна Сталярова.

Страус жыве ў птушыным прытулку «Ахова прыроды». Дарэчы, сродкі ад продажу страусянят і страусавых яек ідуць на кармленне птушак-інвалідаў.

nn.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0