Вайсковы парад у Пхеньяне прайшоў без міжкантынентальных балістычных ракет

У вайсковым парадзе ў Пхеньяне ў гонар 70-годдзя КНДР упершыню за апошнія гады не ўдзельнічалі міжкантынентальныя балістычныя ракеты (МБР).

Афіцыйныя сродкі інфармацыі КНДР не апублікавалі рэпартаж з параду, аднак карэспандэнт агенцтва Франс прэс, які прысутнічаў на парадзе, паведамляе, што ў ім не ўдзельнічалі ўстаноўкі МБР.

Назіральнікі адзначылі таксама, што лідар краіны Кім Чэн Ын, хоць і прысутнічаў на парадзе, але не выступіў з традыцыйнай прамовай.

Мяркуецца, што Кім Чэн Ын мог пайсці на паслабленне агрэсіўнай рыторыкі пасля сустрэчы з амерыканскім прэзідэнтам Дональдам Трампам.

Бі-бі-сі

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0