Даслаць навіну
Знайсці
06.09.2018 / 06:36 92

У новых школьных падручніках вайна 1812 года зноў стала «Айчыннай». Па чыёй ініцыятыве?

У новым навучальным годзе беларускія васьмікласнікі атрымалі новыя падручнікі па гісторыі Беларусі. Аўтары кнігі «Канец XVIII — пачатак XX стагоддзя» — гісторыкі Сяргей Паноў, Святлана Марозава і Уладзімір Сосна, якія складалі і многія папярэднія дапаможнікі. 

«Наша Ніва» звярнула ўвагу, што раздзел, прысвечаны вайне 1812 года, у новых падручніках называецца «Беларусь у перыяд Айчыннай вайны 1812 года». 

Павялічыць выяву

Адметна, што ў папярэдняй версіі падручніка аналагічны раздзел называўся проста як «Беларусь у перыяд вайны 1812 года». 

Павялічыць выяву

Адкуль жа ўзялася каланіяльная ацэнка той вайны як «айчыннай»? 

«Гэта вайна была вайной дзвюх імперый — французскай і расійскай, якая вялася на нашай тэрыторыі. Мы не былі часткай французскай імперыі, а расійскай толькі-толькі былі захоплены. Беларусы ваявалі з усіх бакоў — пераважна як рэкруты ў расійскім войску, пераважна як добраахвотнікі ў французскім. Гэта трагічная вайна, ніяк не айчынная для нашага народа», — здзіўляецца прафесійны гісторык Валянцін Голубеў пазіцыі калег. 

Але што кажуць самі аўтары? 

Пасля размовы з імі (а тыя просяць не называць канкрэтных імёнаў) робіцца зразумела, што і яны не трымаюцца ацэнкі «айчыннасці» вайны. 

«Гэта не пазіцыя аўтараў выдання. Вайна насіла характар «айчыннай» толькі для расійскіх губерняў, — прызнае адзін з аўтараў падручніка. — Некалі Пятро Брыгадзін напісаў, што яна мела адценне грамадзянскай. Можа, гэта і не зусім так, але айчыннай яна для насельніцтва беларускай губерняў дакладна не мела, бо жыхары ваявалі па розныя бакі».

Чаму ж тады ў назве параграфа запісана абсалютна іншае? 

«Што тычыцца [айчыннага] характару вайны, то гэта пазіцыя навуковая. Мы раіліся з кіраўніком Інстытута гісторыі Акадэміі навук Вячаславам Даніловічам, ён яе прытрымліваецца. Зрэшты, у тэксце параграфа няма высноваў, што яна была для нас айчыннай. Пытайцеся ў Даніловіча», — кажа адзін з аўтараў. 

«Але наўрад ці адказ вас задаволіць, як і нас», — сказаў іншы аўтар. 

Што ж кажа кіраўнік Інстытута гісторыі НАН Вячаслаў Даніловіч? 

«Гэты тэрмін (Айчынная вайна 1812 года — «НН») зафіксаваны ў праграмах, па якіх рыхтуюцца падручнікі. Чаму ў ранейшым падручніку была не такая фармулёўка? Дык іншая праграма была. Замянілі яе даўно, нават не пры гэтым міністры. І мы працуем у адпаведнасці з зацверджанымі праграмамі. Зрэшты, назва «Айчынная вайна» існавала ў нашай гістарыяграфіі. Хтосьці так не лічыць. Гэта пытанне спрэчнае, але я не бачу тут чагосьці страшнага — галоўнае, што грунтоўна раскрываецца змест тэмы і парадак баявых дзеянняў», — адказаў нам Даніловіч. 

У Міністэрстве адукацыі на запыт «Нашай Нівы» пакуль што не адказалі.

Варта таксама адзначыць, што змест параграфа ў новым падручніку выкладзены вельмі годна і з беларусацэнтрычных пазіцый. 

Можна выказаць здагадку, што дысананс загалоўка і зместу — гэта вынік кампрамісу між старой, саўдэпаўскай, і новай гістарычнай школамі.

Раней падручнікі па гісторыі для беларускіх школьнікаў пісалі людзі, якія ў свой час баранілі дысертацыі па гісторыях камсамолу. Цяпер жа падобныя кадры збольшага застаюцца ў рэцэнзентах. 

АЯ

0
не канайте под технаря. это выглядит еще глупее с точки / адказаць
09.09.2018 / 21:15
Ровно 3,414213, не более, История - это наука только в том смысле. что разыскиваются разные документы о том. что было,  и свидетельства какие-то разыскиваются. если историк занимается какой-то тематикой в какое-то время. а не в чем-то ещё. что как-то должно влиять на то. что сейчас происходить должно. что новейшая история. которая просто фиксируется уже в достаточно большом количестве доступных всем документов. 
0
Годны / адказаць
10.09.2018 / 10:27
не канайте под технаря. это выглядит еще глупее с точки зрения технарей. 
На вялікі жаль, менавіта тэхнарам усё ніяк не дойдзе, што ня варта выказвацца пра тое, у чым анібельмеса не разумеееш. Менавіта тэхнары увесь час гундосяць: вось гэта навука, а гэта не; навука хіба ў тым сэнсе! Сьціпла-годныя вы нашыя...   
0
Андрэй Ляховіч / адказаць
27.09.2018 / 09:59
І раней у падручніках па гісторыі Беларусі было мала сапраўднай гісторыі Беларусі. А цяпер пасьля прызначэньня камуніста...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31