Так шмат жыхароў Беларусі, як цяпер, эмігравала толькі ў 1990-ыя

Белстат апублікаваў падрабязныя звесткі аб міграцыі за 2017 год. Галоўная выснова: колькасць тых, хто стала з’ехаў з краіны, дасягнула максімуму ад пачатку стагоддзя. Міліцыя і сельвыканкамы налічылі летась 15087 эмігрантаў, хоць яшчэ некалькі гадоў таму іх было ўдвая менш.

фота airport.by

У экспертаў узнікаюць пытанні да слушнасці методыкі падліку, — напрыклад, беларусы, якія з’язджаюць у Расію і застаюцца там назаўсёды, часцяком не ўлічваюцца. Затое туркмены і кітайцы, якія, адвучыўшыся, вяртаюцца на радзіму, запісваюцца ў беларускія эмігранты. Тым не менш іншых звестак падобнага кшталту няма.