Даслаць навіну
Знайсці
03.09.2018 / 22:31 10

Ці размаўляюць футбалісты зборнай па-беларуску? АПЫТАНКА

3 верасня на пляцоўцы ля Нацыянальнага мастацкага музея прайшла прэзентацыя новай формы зборнай Беларусі па футболе. Уся імпрэза адбывалася выключна па-беларуску. Форма таксама зробленая з нацыянальнымі матывамі.

«НН» спыталася гульцоў галоўнай каманды краіны, ці ўмеюць яны размаўляць па-беларуску і калі карысталіся нашай мовай.

Павялічыць выяву

Новая форма зборнай Беларусі па футболе. Фота Паўла Аксіновіча.

Іван Маеўскі («Астана», Казахстан)

«Так, я ўмею размаўляць па-беларуску. Але, на жаль, вельмі доўга не карыстаўся роднай мовай. Я некаторы час гуляў у Польшчы, таму ў маёй галаве шмат зблытана словаў. Я лічу, што мы павінны размаўляць па-беларуску. Тое, што прэзентацыя прайшла ў такім файным месцы — гэта добры знак. Калі вучыўся ў школе, то вельмі добра і размаўляў, і шмат чытаў па-беларуску. Помню з таго часу і Васіля Быкава, і Янку Купалу, і Якуба Коласа. Гэта тыя асобы, каго павінен ведаць кожны». (Адказваў па-беларуску).

Ігар Стасевіч (БАТЭ, Барысаў)

«У паўсядзённым жыцці размаўляю вельмі-вельмі рэдка, але магу. Калі замежнікі просяць нешта сказаць па-беларуску, то спакойна магу гэта зрабіць. Кола зносінаў у мяне рускамоўнае. Стаўленне да беларускай мовы выключна пазітыўна, гэта наша родная мова. Калі ты добра ведаеш беларускую мову, то яна надзвычай прыгожа гучыць. У мяне добрыя настаўнікі былі ў школе беларускай мовы». (Адказваў па-руску).

Станіслаў Драгун (БАТЭ, Барысаў)

«Троху размаўляю. Са школы яшчэ веды засталіся. У мяне выдатнае стаўленне да беларускай мовы. Гэта наша родная мова, трэба яе любіць, тым больш яна такая прыгожая». (Першая фраза па-беларуску, астатнія па-руску).

Павел Няхайчык («Дынама», Брэст)

«Калі навучаўся ў школе, то выдатна ведаў беларускую мову. Мог на ёй свабодна адказваць. Цяпер жыццё праходзіць на рускай мове. Каб сказаць нешта па-беларуску, то трэба ўспомніць словы, падумаць. Пасля школы чытаў Васіля Быкава. На жаль, шмат чаго забыўся і так лёгка, як раней, не магу на ёй размаўляць. Хаця нешта атрымліваецца (смяецца)». (Адказваў па-беларуску).

Аляксандр Мартыновіч («Краснадар», Расія)

«Так, я размаўляю па-беларуску. У школе добра вучыў мову. Помню Янку Купалу, Якуба Коласа. Гэта нашая краіна, нашая мова і яе павінен ведаць кожны». (Адказваў па-беларуску).

Антон Сарока («Локерэн», Бельгія)

«Размаўляю па-беларуску, але не вельмі добра». (Адказаў па-беларуску гэтую фразу і збег).

Юрый Кендыш («Шэрыф», Малдова)

«Я ўсё разумею, але сам не размаўляю. Я б мог паспрабаваць, але гэта будзе выглядаць недарэчна. Абсалютна нармальнае ў мяне стаўленне. Каму як зручней размаўляць. У мяне мама з бабуляй толькі па-беларуску размаўляюць. Я ўсё цудоўна разумею і стаўлюся да мовы толькі пазітыўна». (Адказваў па-руску).

Апытаў Зміцер Панкавец

6
Сярожа / адказаць
05.09.2018 / 15:09
"Калі вучыўся ў школе, добра ведаў мову і свабодна размаўляў". Амаль кожны трэці кажа гэтую фразу, але насамрэч гэта абсалютная брахня. І не ведаў, і ні размаўляў. Звычайнае апраўданне тых, хто не ведае зараз і не хоча гэтага рабіць.
5
Харам / адказаць
16.09.2018 / 08:53
Заходиш в раздевалку , а там мова льётся ручьями, переливается и блистает. Полное враньё, пазёрство перед фанатами-змагарами. Только вдумацца в посылы почти от каждого «когда учился в школе, то разговаривал». Язык он с рождения, так сказать от мамы впитывается, а не в школе у доски пару часов в неделю. В футбол научитесь играть, этого от вас ждут, а не на мове разговаривать. Как-то перетерпим уже и не на мове если будут результаты.
0
я / адказаць
24.09.2018 / 18:34
тамара, а ты знаешь белорусский я
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31