Падчас перапісу насельніцтва у жанчын спытаюць, ці хочуць яны мець дзяцей
Перапіс насельніцтва пройдзе ў Беларусі ў кастрычніку 2019 году.
Пакуль жа да яго ідзе актыўная падрыхтоўка, расказала старшыня Белстата Іна Мядзведзева.
Як паведамляе «Советская Белоруссия», усяго ў перапісны ліст будзе ўключаны 49 пытанняў. У беларусаў спытаюцца пра тое, ці не хочуць яны з’ехаць з Беларусі, чаму не працуюць на тэрыторыі свайго раёну. У блоку дэмаграфіі запытаюцца жанчын аб жаданні завесці дзяцей. Будзе ў спіс пытанняў уключаны і апытальнік па сельскай гаспадарцы. Пытанні будуць тычыцца наяўнасці насаджэнняў, жывёлы ў прыватнай гаспадарцы.
Кіраўніца Белстата падкрэсліла, што гэтая інфармацыя прызначаная выключна для статыстыкі. Ніякія падатковыя органы гэтую інфармацыю не атрымаюць, заявіла Мядзведзева. Гэта першасная канфідэнцыйная інфармацыя, за якую адказваюць органы статыстыкі.
