Даслаць навіну
Знайсці
18.08.2018 / 08:25 7

Рэцэпт абрыкосавага пірага з Лінца, які лічаць адным з самых старажытных у свеце

У мінулы раз мы з вамі даведаліся пра некаторыя сакрэты пясочнага цеста. Але, як я і згадвала, варыянтаў цеста і начынняў для пірагоў можа быць безліч. Таму сёння я вырашыла паказаць вельмі цікавую варыяцыю пірага з Лінца, вядомага як Linzer Torte. Яго асаблівасць у выкарыстанні арэхавай мукі ў цесце і аздабленне ў выглядзе кратак.

Што цікава, лінцкі пірог лічыцца найстарэйшым пірагом у свеце! Першы рэцэпт датуецца 1696 годам, але вядома, што ён вырабляўся і раней. А назву сваю ён узяў ад аўстрыйскага горада Лінц, дзе і распачаўся масавы выраб гэтай слодычы.

Ніжэй вы знойдзеце варыяцыю гэтага рэцэпта: з духмяным абрыкосавым джэмам і варанымі жаўткамі ў цесце: менавіта яны дадаюць асабліваю мяккасць цесту. Смачна есці!

Для начыння:

  • 300 гр. абрыкосавага джэму;
  • цэдра 1 апельсіна;

Джэм падаграваем, дадаём да яго цэдру. Гэта робіцца, каб цэдра аддала больш свайго смаку.

Для цеста:

  • 3 вараныя жаўткі;
  • 250 гр. масла пакаёвай тэмпературы;
  • 1/2 шклянкі цукровай пудры;
  • некалькі кропель ванільнай эсэнцыі;
  • 1/2 ст.л. рому;
  • 1/2 шклянкі фундуку;
  • 350 гр. мукі;
  • 1/4 ч. л. солі;
  • 1/4 ч. л. разрыхляльніку.

Вараныя жаўткі трэба працерці праз сіта. Масла ўзбіваем з цукровай пудрай да белага колеру. Дадаём ром і ваніль, перамешваем. Арэхі зусім трохі смажым на сухой патэльні і робім з іх муку. Дадаём арэхаваю муку да масленай масы разам з жаўткамі. Звычайную муку прасейваем з разрыхляльнікам і соллю і патроху дадаём у цеста. Месім, каб атрымалася гладкае цеста. Дзелім яго на дзве часткі, абгортваем фальгой ці цэлафанам і пакідаем у лядоўні на дзве гадзіны.

Павялічыць выяву

Для гэтай колькасці цеста бяром форму дыяметрам 24 см, змазваем форму маслам і троху прысыпаем мукой.

Першую частку цеста раскачваем на таўшчыню 1 см і выкладваем на форму. Другую частку таксама раскачваем, каб нарэзаць на палоскі шырынёй 3—4 см.

На цеста выкладаем начынку і аздабляем палосачкамі цеста.

Павялічыць выяву

Для намазвання:

  • 1 яйка;
  • 2 ст. л. халоднай вады.

Яйка ўзбіваем з вадой і гэтай сумессю змазваем пірог.

Ставім выпякацца на 40—50 хвілін пры тэмпературы 170 градусаў.

Павялічыць выяву

Вольга Чарнова, фота аўтаркі

1
анон / адказаць
18.08.2018 / 17:13
Я так разумею, Лінц - гэта сусветна вядомы горад, і не трэба ўдакладняць, дзе ён знаходзіцца?
0
хто ў лесе, хто ў ляcгace кваce-кваce-кваce-кваce ??? / адказаць
23.08.2018 / 09:33
я б гэта не cтала есці! бaлoта нейкae, ф-y-y-y-y..(
0
M113 / адказаць
27.08.2018 / 01:17
Моб55 , гэта Вольга Чарнова, якая ў класічных халодных соўсах прапанавала аснову смаку - якасны аліўкавы алей (фактычна спецыю) замяняць тым, што ёсць пад рукой. Нічога дзіўнага, адзін узровень з жанчынкамі з кулінарных шоў якія круцяць па расейскіх каналах.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30