Знайсці
17.08.2018 / 10:406РусŁacБел

Ілан Маск распавёў пра стомленасць і праблемы са здароўем

Заснавальнік SpaceX і Tesla Ілан Маск у інтэрв'ю The New York Times распавёў, што вымушаны праводзіць на працы па 120 гадзін на тыдзень і не адрывацца ад кіравання кампаніі суткамі. Мільярдэр прызнаўся, што падобны рэжым выклікае ў яго праблемы са сном і празмерную стомленасць, а блізкія заклапочаныя станам яго здароўя.

Па словах Маска, мінулы год стаў для яго «самым цяжкім і балючым» за ўсю яго кар'еру. «Ён быў пакутлівым», - дадаў ён. Мільярдэр распавёў, што свой дзень нараджэння 28 чэрвеня, гэтак жа як і ноч пасля яго, ён цалкам правёў у офісе Tesla. Сёлета яму споўнілася 47 гадоў. Праз некалькі дзён ён ледзь паспеў на вяселле свайго брата ў Каталоніі, куды прыбыў за дзве гадзіны да цырымоніі проста з завода кампаніі. Адразу ж пасля вяселля ён зноў сеў у самалёт і вярнуўся ў штаб-кватэру Tesla.

«Былі часы, калі я не пакідаў завод на працягу трох ці чатырох дзён, не выходзячы ўвесь гэты час на вуліцу. Усё гэта адбывалася за кошт часу, які я мог бы патраціць на дзяцей і сустрэчы з сябрамі», — дадаў прадпрымальнік.

Адказваючы на пытанне, як гэта адбілася на яго здароўі, Маск прызнаў, што падобны графік цягне за сабой праблемы. «Насамрэч усё гэта не вельмі добра. У мяне ёсць сябры, якія сапраўды былі гэтым заклапочаныя», — сказаў ён.

Па словах Маска, ён мае праблемы са сном і вымушаны прымаць снатворнае. «Вельмі часта я сутыкаюся з выбарам — не спаць наогул ці прымаць снатворнае», — заўважыў ён.

РБК

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031