Ці зможа «Дынама» прайсці «Зеніт» пасля разгрому расіянаў тыдзень таму? Галоўны матч чацвярга
Сёння адбудзецца матч у адказ кваліфікацыі Лігі Еўропы. У Пецярбургу гуляюць «Зеніт» і мінскае «Дынама». Тыдзень таму ў Мінску беларускі клуб сенсацыйна разграміў пецярбуржцаў з лікам 4:0.
Гульня сёння пройдзе пры пустых трыбунах: стадыён «Пятроўскі» дыскваліфікаваны на матч з-за паводзінаў сваіх фанатаў на ранейшым паядынку з «Ляйпцыгам». Праўда, заўзятарам «Дынама» выдзелілі пару сотняў месцаў.
Пачатак а 20-й. Гульня не будзе паказана на «Беларусь-5», але канал «Матч Прэм'ер», дзе яго будуць паказваць у Расіі, ёсць у пакеце каналаў «Залы».
Сёння таксама брэсцкае «Дынама» згуляе з кіпрскім «Апалонам». Але тыдзень таму каманда Марадоны прайграла з лікам 0:4.
Каб трапіць у групавы турнір Лігі Еўропы, трэба будзе прайсці яшчэ адзін раўнд (кваліфікацыя плэй-оф). Пераможца матча «Дынама» — «Зеніт» згуляе з пераможцам пары «Хіберніан» — Мёльдэ».
