Даслаць навіну
Знайсці
15.08.2018 / 16:29 30

У Гомельскай вобласці пракурор забыў на пасяджэнні суда паперу, у якой было гатовае рашэнне па справе

Цікавую гісторыю апавёў грамадскі актывіст з райцэнтра Акцябрскі Гомельскай вобласці Андрэй Павук. Не так даўно ён напісаў скаргу ў суд на дзеянні Акцябрскага райвыканкама, які не пускае Павука на адкрытыя паседжанні.

Павялічыць выяву

Андрэй Павук. Фота facebook.com.

На 14 жніўня быў прызначаны разгляд гэтай скаргі. Інтарэсы Павука ў судзе збіраўся прадстаўляць гомельскі праваабаронца Леанід Судаленка. Суддзя ўзяў 15-хвілінны перапынак, каб прыняць рашэнне, ці можа Судаленка браць удзел у працэсе.

У гэты час адзін з прысутных у зале пабачыў і сфатаграфаваў паперку, якую забыўся памочнік пракурора Вадзім Шыбут. На гэтай паперцы ўжо было прынятае судом рашэнне, хаця сам працэс нібыта ўсё яшчэ працягваўся.

Павялічыць выяву

Андрэй Павук хутка выклаў гэты дакумент у інтэрнэт. Ён мяркуе, што і памочнік пракурора, і суддзя ўбачылі гэта. Таму было прынятае рашэнне перанесці агучванне рашэння на наступны дзень. У тым дакуменце, што забыўся памочнік пракурора, у скарзе Андрэю Павуку адмаўлялі.

15 жніўня суддзя вырашыў не агучваць рашэнне, а… узяць самаадвод!

«У працэсе разгляду грамадзянскай справы суду стала вядома, што заяўнікам у інтэрнэце размешчаная інфармацыя аб наяўнасці ў пракурора, які браў удзел у разглядзе скаргі, дакумента, які заяўнікам быў расцэнены як рашэнне па справе, што выклікала абмеркаванне ў інтэрнэце. Паколькі дадзеная публікацыя можа выклікаць сумневы ў бесстароннасці, суддзя заяўляе адвод ад удзеле ў справе», — напісана ў пастанове.

Павялічыць выяву

Цяпер павінен быць прызначаны новы працэс па справе. Сам Андрэй Павук кажа, што невядома, хто будзе разглядаць працэс, бо ў Акцябрскім на гэты момант папросту адзін суддзя.

ЗП

0
гедеминас / адказаць
17.08.2018 / 18:49
Нет государства, нет судов,живём по понятиям блатной кодлы
0
Илля / адказаць
19.08.2018 / 09:23
Мусиць неяк так павярнули дышла да сканчэнню цырку
0
Гаспадар літоўскі. / адказаць
21.08.2018 / 19:17
У сучаснай Беларусі няма суда -ёсьць "судзілішча".Усе тыя хто там працуе- прызначэнцы
ад улады.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30