14-гадовы хлопчык лавіў рыбу, а вылавіў 42 патроны
Пра здарэнне піша Рэгіянальная газета са спасылкай на паведамленне мінскай абласной міліцыі.
Чатырнаццацігадовы Іван рыбачыў каля ракі Клява Бярэзінскага раёна. Пасля аднаго няспраўнага руху з вуды сарвалася металічная блешня. Вярнуўся дадому, праявіў «кемлівасць»: злучыў некалькі магнітаў і прывязаў іх да вяровачкі. З такім імправізаваным вырабам, з цвёрдым намерам дастаць блешню, вярнуўся да ракі.
Якім было яго здзіўленне, калі ён з першага разу замест блешні выцягнуў некалькі патронаў, якія прыліплі да магніта. Усяго ж ён дастаў 42 патрона калібра 7.62, а супрацоўнікі міліцыі ў далейшым выявілі яшчэ 25 штук падчас агляду месца здарэння.
Сваю знаходку ён аддаў маці, а яна прынесла іх у школу і перадала дырэктару.
Па гэтым факце праводзіцца праверка.
Насцярожвае не толькі знаходка, але і бестурботнасць хлапчука і дарослых. Ужо пасля першага «ўлову патронаў» трэба было спыніцца і паведаміць аб знаходцы ў міліцыю, бо бярэзінская зямля яшчэ не забылася пра двухгадовы выпадак і гібель дваіх дзяцей, якія знайшлі снарад часоў вайны, звяртае ўвагу міліцыя.
