У Беларусі зраўняюць кошты школьных абедаў

Абеды ў школьных сталоўках будуць каштаваць аднолькава як для тых вучняў, што харчуюцца за кошт дзяржавы, так і для тых, хто харчуецца за грошы бацькоў. Пра гэта 14 жніўня паведаміла журналістам кіраўніца ўпраўленьня Міністэрства антыманапольнага рэгуляваньня і гандлю Віялета Брэзоўская, піша Радыё Свабода.

«Адзіная максімальная гандлёвая надбаўка будзе цяпер складаць 20% для кошту харчавання ўсіх вучняў. Цяпер жа яна большая для тых дзяцей, чые абеды аплочваюць бацькі», — патлумачыла чыноўніца.

Яна дадала, што праект адпаведнай пастановы ўжо падрыхтаваны ў МАРГ, цяпер ён праходзіць экспертызу ў Міністэрстве юстыцыі.

Уладзімір Глод, Радыё Свабода

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0