«Разбітае Сэрца Пацана» збірае сродкі на выпуск новага альбома, які паўстаў на глебе касмічнага кахання
РСП збірае грошы на звядзенне новага альбома»Карняплоды любві». Гэтая пласцінка пра свядомае каханне галоўнага героя з прыправай «фірмовага стылю» гурта. Новы альбом будзе складацца з 10 песен. Некалькі трэкаў РСП ужо гралі на канцэртах, а «Смузі-мафіны», які прапітаны сэксам і каханнем, быў прэзентаваны ў красавіку.
Прэзентацыя новага альбома адбудзецца 4 кастрычніка ў клубе «Бруге» (Партызанскі 6а), адзіночныя, парныя квіткі і іншыя прыемныя падарункі шукай у лотах (напрыклад, занятак па акторскаму майстэрству ад Пашы Гарадніцкага ці любімая кніга Дзяніса Тарасенкі)
У 2015 годзе гурт паспяхова сабраў грошы на альбом «Пасрэдствам срэдств», і цяпер вырашыў яшчэ раз звярнуцца да народнай дапамогі, бо і да гэтага часу застаецца цяжкім пытанне звядзення, аплаты паслуг гукарэжысера. Зараз мы звяртаемся да паслугаў Алега Даманьчука, які працаваў з гуртамі Петля Пристрастия, Серебряная свадьба, TonqiXod і інш.
Падтрымаць гурт можна тут.
