NASA запусціла зонд для даследавання Сонца ВІДЭА
Касмічнае агенцтва NASA абвясціла пра запуску ракеты-носьбіта з сонечным зондам Parker. Ракета стартавала з касмадрома на мысе Канаверал у штаце Флорыда, у ЗША, перадае Радыё «Свабода».
3-2-1… and we have liftoff of Parker #SolarProbe atop @ULAlaunch’s #DeltaIV Heavy rocket. Tune in as we broadcast our mission to “touch” the Sun: https://t.co/T3F4bqeATBpic.twitter.com/Ah4023Vfvn
Місію рыхтавалі 10 гадоў і планавалі адправіць у космас на дзень раней, але ў апараце выявіліся праблемы з перадачай інфармацыі. У 2024 годзе апарат наблізіцца да Сонца на адлегласць каля 6 мільёнаў кіламетраў, увойдзе ў сонечную карону. Так блізка да зоркі не падлятаў яшчэ ні адзін касмічны апарат.
Зонд даследуе сонечны вецер і атмасферу Сонца. Яму давядзецца працаваць пры экстрэмальна высокай тэмпературы — 1000 градусаў Цэльсія. За сем гадоў станцыя абляціць вакол Сонца 24 разы.
Праект ацэньваецца ў 1,5 мільярда даляраў.