Санэпідэмслужба забараніла купацца на пяці пляжах Мінска
Па выніках лабараторных даследаванняў пробаў вады з адкрытых вадаёмаў санітарна-эпідэміялагічная служба забараніла забаронена купацца і займацца ўсімі відамі воднага спорту на пяці сталічных пляжах, паведамляюць «Мінск-Навіны».
Гэта пляжы № 1, 8, 9 вадасховішча Заслаўскае, № 2 вадасховішча Дразды, № 1 Камсамольскага возера.
Акрамя таго, яшчэ на пяці пляжах прыпынена купанне дзяцей і дарослых (без забароны займацца спортам): № 5-8 вадасховішча Дразды, № 6 вадасховішча Заслаўскае.
На адным пляжы купанне абмежавана толькі для дзяцей - № 4 вадасховішча Крыніца.
Санэпідслужба падкрэслівае: спецыялісты ацэньваюць стан тэрыторый і вады толькі на зацверджаных пляжах (21 зона рэкрэацыі на вадасховішчах Заслаўскім, Крыніца, Цнянскае, Дразды, Камсамольскім возеры).
