У Міністэрства адукацыі з'явіліся герб і сцяг
У Міністэрства адукацыі з'явіліся свае герб і сцяг, паведамляе tut.by са спасылкай на pravo.by.
У апісанні эмблемы напісана: герб уяўляе сабой цёмна-сіні круг. У верхняй яго частцы намалявана сонца, на дыску якога размешчаны герб Рэспублікі Беларусь. Знізу — разгорнутая кніга.
«Сонца і кніга ўтвараюць стылізаваную выяву кветкі, пад лісткамі якой знаходзіцца насенне зялёнага колеру», — пазначана ў дакуменце. Эмблема ўжо з'явілася на сайце міністэрства. Размяшчаць яе будуць на граматах, сувенірах, у кабінетах прадстаўнікоў ведамства.
Што ж тычыцца сцяга, то з апісання вынікае: гэта палатно цёмна-сіняга колеру, у цэнтры якога размешчаны герб.
Сцяг можа ўздымацца на будынках міністэрства, а таксама арганізацый, якія ўваходзяць у яго структуру, на спартыўных і іншых святочных мерапрыемствах.
