У Міністэрстве адукацыі назвалі самыя высокія конкурсы і прахадныя балы
Уступная кампанія для атрымання вышэйшай адукацыі першай ступені 2018 года скончылася. У Міністэрстве адукацыі падвялі яе вынікі і назвалі найбольш высокія конкурсы і прахадныя балы, паведамляе БелТА.
Высокія конкурсы на бюджэтную дзённую форму назіраліся па спецыяльнасцях «рэжысура кіно і тэлебачання» (6,4 чалавека на месца), «інфармацыйныя сістэмы і тэхналогіі» (6,7 чалавека на месца), «спартыўна-турысцкая дзейнасць (менеджмент у турызме)» (7,6 чалавека на месца) і «дызайн (графічны)» (11,2 чалавека на месца).
Найбольш высокія прахадныя балы на спецыяльнасцях «міжнароднае права» (384), «эканоміка электроннага бізнэсу» (384), «сучасныя замежныя мовы» (378), «стаматалогія» (375) і «арганізацыя руху і забеспячэнне палётаў на паветраным транспарце (арганізацыя паветранага руху)» (368).
