Не такі страшны «Карабах». БАТЭ перамог у Азербайджане
Перад гульнёй Лігі чэмпіёнаў у Баку «Карабах» лічыўся безумоўным фаварытам гульні. Каэфіцыенты на БАТЭ дасягалі 4. Аднак на справе выявілася, што нічога звышнатуральнага азербайджанцы не праявілі.
Фота Волі Афіцэравай.
БАТЭ ў першым тайме больш валодаў ініцыятывай. Адзін раз цудоўны момант упусціў Мірка Іваніч. Адзіны гол быў забіты бліжэй да перапынку. Сігневіч з фланга навесіў у штрафную, а там Станіслаў Драгун застаўся адзін супраць ісландскага брамніка «Карабаха» — 0:1.
У другім тайме гаспадары валодалі перавагай, але забіць так і не здолелі. Некалькі разоў выдатную рэакцыю праявіў брамнік БАТЭ Дзяніс Шчарбіцкі. Такая важная перамога ў гасцях.
Праз тыдзень 14 жніўня матч у адказ пройдзе ў Барысаве. Калі БАТЭ пройдзе ў наступны раўнд, то сустрэнецца за выхад у групавы этап Лігі чэмпіёнаў з галандскім ПСВ.
