Даслаць навіну
Знайсці
08.08.2018 / 11:16 7

Сталяр Віктар Карняенка: як хобі лідара апазіцыі ператварылася ў невялікі бізнэс

«Я зусім яшчэ малады пенсіянер, не атрымаў пакуль ніводнай пенсіі, бо мне толькі ў канцы ліпеня споўніўся 61 год, — смяецца адзін са стваральнікаў Руху «За Свабоду» Віктар Карняенка, — таму сталярства стала добрай дапамогай».

Павялічыць выяву

Віктар Карняенка. Фота Радыё Свабода

З дрэвам, расказвае Віктар Карняенка, ён сябруе даўно.

«Першы свой выраб з дрэва памятаю добра. Не, гэта не была якая-небудзь табурэтка. Сваімі рукамі я зрабіў балконныя рамы ў кватэры, якую я, ажаніўшыся, атрымаў у 1985 годзе. Узяў фуганак, нейкія дошкі. І на падлозе на кухні зрабіў рамы. Нават прыстойныя атрымаліся. Стаялі да таго часу, пакуль мы тую кватэру не прадалі».

Пасля на лецішчы Віктар рабіў агароджы, вазоны для кветак, лавы і арэлі. Цягнула да прыгожага, кажа Віктар. А чатыры гады таму ён зарэгістраваў сваё хобі як рамесніцтва.

Павялічыць выяву

«З узростам з’явілася больш вольнага часу. Стаў працаваць з дрэвам па 7—8 гадзін у суткі. Нешта майстраваў, прыдумляў. Сталі звяртацца сябры, каб зрабіў ім нешта падобнае, потым сталі звяртацца сябры сяброў. І прасіць зрабіць ім тое ж, але за грошы. Тады і ўстала пытанне аб тым, што трэба афіцыйна зарэгістраваць сваю справу. А тады гэта каштавала адну базавую».

Справу Віктар зарэгістраваў, а вось рэкламаваць свае вырабы не стаў.

«Не было патрэбы. Я проста рабіў рэчы на замову. А сёлета вырашыў, што прыйшоў час заняцца рэкламай. І размясціў свае вырабы на «Куфары».

Павялічыць выяву

Віктар Карняенка расказвае, што хітом гэтага сезона ў продажы з’яўляюцца драўляныя арэлі, лавы і мальберты.

«Штук пад 20 драўляных мальбертаў ужо прадаў», — хваліцца ён.

Павялічыць выяву

А найлепшым падарункам сабе, акрамя дадатковага заробку да пенсіі, Віктар лічыць наборы новых інструментаў.

«У мяне інструментаў, канечне, дастаткова ўжо, але мне цікава спрабаваць нешта новае. А вось рабіць дзве аднолькавыя рэчы — сумна».

Павялічыць выяву

На што наракае Віктар, дык на цяжкасці пры пошуку добрага матэрыялу:

«Знайсці цвёрдыя пароды дрэваў складана. Таму мае арэлі, лаўкі і іншыя вырабы, у асноўным, з сасны і елкі».

Павялічыць выяву

Што датычыцца пытання, ці не плануе бізнэсмен-пенсіянер перайсці на больш буйныя формы, тыя ж альтанкі, Віктар адказаў:

«Пакуль зрабіў толькі адну, сабе на лецішча. Але ўсё будзе залежыць ад попыту».

Павялічыць выяву

Віктар Карняенка (справа) — паплечнік Аляксандра Мілінкевіча.

Наталля Тур, фота facebook.com

1
тады / адказаць
08.08.2018 / 16:44
Дык жа за сталяра ў нас і Дашкевіч маецца, калі ён справай займаецца, а не крыжы цягае, выконываючы абавязкі яшчэ і нейкага лідара (в.а. лідара). Сталяру - сталяровае, а лідару - лідарава, то-бок страсбургі, гранты ды іміграцыя, каб адтуль дурны народ разуму навучаць. Кожны павінен сваёй справай займацца, дык тады хоць якая-сякая карысць ад таго будзе.
3
Ягор / адказаць
08.08.2018 / 19:28
добрае хобі, але-ж ці мае права рамеснік вырабляць мэблю?
0
Віктар Карнеенка / адказаць
09.08.2018 / 04:35
Ягор,Яраслаў, рамеснік можа вырабляць што заўгодна для сябе.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31