Навукоўцы: невялікая шкода кальяна — міф
Даследчыкі Каліфарнійскага ўніверсітэта распавялі СМІ, што падчас курэння кальяна арганізм чалавека атрымлівае такую ж шкоду для здароўя, як і падчас курэння звычайных цыгарэт.
Даследчыкі ў якасці эксперыменту запрасілі 48 добраахвотнікаў папаліць кальян трыццаць хвілін. Да і пасля курэння навукоўцы вымералі артэрыяльны ціск, сардэчны рытм і ўзровень нікаціну ў крыві.
Высветлілася, што падчас курэння кальяна частата сардэчных скарачэнняў павялічваецца на 16 удараў у хвіліну. Таксама ў курца ў гэты момант павялічваецца артэрыяльны ціск.
Сабраныя звесткі даказалі, што курэнне кальяна аналагічнае курэнню звычайных цыгарэт, і меркаванне аб невялікай шкодзе кальяна — проста міф.
Адзначаецца, што ў тытунь для кальянаў дадаюць сінтэтычныя хімічныя рэчывы, якія таксама могуць адбіцца на здароўі чалавека.
