Знайсці
04.08.2018 / 11:3367РусŁacБел

Улады працягваюць абараняць рэстаран каля Курапат. Затрыманы яшчэ адзін пратэстовец, лёс яго сабакі няясны

На фота: Макс Вінярскі і Дзяніс Урбановіч пакідаюць на варотах «Паедзем паядзім» чырвоныя адбіткі далоняў.

Улады працягваюць заставацца на баку рэстаратара Зайдэса, які адкрыў каля месца масавых расстрэлаў людзей у Курапатах пад Мінскам рэстаран з саўнамі. Людзей, якія пратэстуюць супраць «Паедзем паядзім», перыядычна затрымліваюць.

У суботу так затрымалі жыхара Мінска Макса Вінярскага. 

Пакуль незразумелы лёс ягонага сабакі. Сяброўка Макса Алена напісала ў фэйсбуку: «Пазванілі на мой нумар, паведамілі, дзе стаяць, каб забрала сабаку. Праз 5 хвілін з'ехалі, не дачакаўшыся. Макс пазваніў з машыны: яго некуды вязуць з сабакам. Па словах міліцыі, «вводная ізменілась». Міліцыянт, які званіў мне, не адказвае».

Вінярскага даставілі ў Фрунзенскі РУУС сталіцы і адпраўляюць у ізалятар на Акрэсціна на 10 сутак.

Агулам суды завялі ўжо больш за 80 адміністратыўных спраў на грамадзян, што пратэставалі супраць адкрыцця, як яго празвалі, «кабака на костках».

СГ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера