Знайсці
03.08.2018 / 15:351РусŁacБел

У Белавежскай пушчы ўпершыню зафіксавалі арла-магільніка

Арол-магільнік ўпершыню папоўніў сістэматычны спіс арнітафаўны Белавежскай пушчы, паведаміў БЕЛТА супрацоўнік навуковага аддзела нацыянальнага парку Вадзім Пракапчук.

Новы рэдкі від Aquila heliaca быў зарэгістраваны ў ліпені і атрымаў статус «залетнага». Маршрут арла-могільніка пралягаў над тэрыторыяй Белавежскай пушчы. Гэта была маладая самка Стэфанія, якая нарадзілася ў 2017 годзе ў Усходняй Славакіі і пазначана спадарожнікавым перадатчыкам. За два дні Стэфанія праляцела над заходняй часткай Беларусі практычна па мерыдыянальным кірунку, пасля чаго праз Калінінградскую вобласць паляцела ў Польшчу.

«Нават у такім залётным статусе раней гэты від у нас не рэгістраваўся. Адзіны раз арол-магільнік згадваецца ў публікацыі за 1898 год, дзе ён фігуруе як імператарскі арол (Aquila imperialis). Але згадка ў літаратуры не з'яўляецца падставай для ўнясення ў сістэматычны спіс. таму можна сказаць што цяпер ён туды трапіў упершыню дзякуючы славацкай праграме па маніторынгу за птушкамі. За ўсю гісторыю арніталагічных назіранняў гэта дзявятая рэгістрацыя віду ў Беларусі», - адзначыў навуковы супрацоўнік.

Арол-магільнік з'яўляецца буйным птушыным драпежнікам сямейства ястрабіных. Даўжыня яго цела складае 72-83 см, размах крылаў дасягае 190-210 см. Від гняздуецца ў стэпавай і лесастэпавай паласе Еўразіі на ўсход да Байкала і цэнтральных раёнаў Кітая. Ён аддае перавагу адкрытым прасторам, палюе на сярэдняга памеру дзічыну - суслікаў, суркоў, зайцоў, некаторых птушак.

Лічыцца, што магільнікам арла назвалі за тое, што ён закопвае памерлых суродзічаў.

Зараз арнітафауна Белавежскай пушчы налічвае больш за 250 відаў птушак, з якіх 186 гняздуюцца. Тут сустракаюцца 64 віду птушак, занесеных у апошні выданне Чырвонай кнігі Беларусі.

БелТА

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера