Мост на МКАД адрамантуюць да 1 кастрычніка, транспарт пусцілі ў аб'езд Лошыцы
Рамонт пашкоджанага моста на МКАД у раёне Лошыцы завершаць да 1 кастрычніка, паведаміў карэспандэнту БелТА выканаўца абавязкаў дырэктара прадпрыемства «Гораўтамост» Аляксандр Анцыпяровіч.
«Плануецца замяніць усе сем бэлек, уключна з той, што лопнула. Пасля гэтага рух па ўнутраным кальцы будзе адноўлены», — сказаў Анцыпяровіч.
1 жніўня на мосце МКАД ў раёне перасячэння Ігуменскага тракту з кальцавой правалілася праезная частка дарогі ў трэцяй паласе руху ўнутранага кальца. Гэта выклікала транспартныя заторы на МКАД і прылеглых вуліцах.
У дадзены момант рух па мосце арганізаваны па знешнім кальцы. Пашкоджаную бэльку, каб не абвалілася, падтрымлівае часовая металічная апора. Грамадскі транспарт, маршрут якога ідзе праз развязку, пусцілі ў аб'езд Лошыцы.
