ЛГБТ-актывістку другі раз аштрафавалі за плакат «Самі вы падробка»

Маюць судзіць і трэці раз, бо апублікавала здымкі з плякатам у трох розных раёнах Менску. На сплату першага штрафу ўжо сабралі грошы, піша Радыё Свабода.

Суд Маскоўскага раёну Менску пастанавіў аштрафаваць актывістку Віку Біран на 15 базавых велічыняў (367,5 рубля) за фота з плякатам «Самі вы падробка», якое палічылі «масавым мерапрыемствам — адзіночным пікетам».

Тыдзень таму такі самы штраф за той самы плякат ёй прысудзілі ў Цэнтральным раёне. Пасьля суду ёй пачалі зьбіраць грошы на сплату штрафаў — на момант публікацыі набралася больш за 1000 рублёў.

0

0

0

0

0

0