Робатаў-тараканаў рыхтуюць для агляду рухавікоў самалётаў
Кампанія Rolls-Royce прадэманстравала сваю новую распрацоўку — прататыпаў маленькіх робатаў-тараканаў, якіх можна будзе выкарыстоўваць для агляду ўнутры авіяцыйных рухавікоў, каб выявіць і ліквідаваць няспраўнасці, паведамляе CNBC.
Фота: CNBC.
Па словах прадстаўніка Rolls-Royce Джэймса Кэла (James Kell), мініяцюрная тэхналогія дапаможа павысіць якасць тэхнічнага абслугоўвання самалётаў, паскорыўшы працягласць агляду і ўстараніўшы неабходнасць зняцця і разборкі рухавіка для правядзення праверкі яго стану.
Малюсенькія робаты дапамогуць інжынерам зэканоміць час пры аглядзе. «Калі б мы гэта рабілі звычайным спосабам, гэта заняло б у нас пяць гадзiн; з маленькімі робатамі гэта можа заняць пяць хвілін», — дадаў ён.
Таксама спецыялісты Rolls-Royce працуюць над стварэннем робатаў-змей, якія будуць дастаткова гнуткімі для перамяшчэння па рухавіку ў якасці эндаскопа. Яны будуць пранікаць праз камеру згарання, выяўляць пашкоджанні і выдаляць рэшткі смецця.