Дажджы і навальніцы будуць ісці да наступнага тыдня
Пра гэта паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
«У наступныя дні тэрыторыя краіны застанецца пад уплывам цыкланічнай віхуры, што кружыць на ўсход ад нашых межаў. Захаваецца цёплае няўстойлівае надвор'е», - распавялі ў Белгідрамеце.
У пятніцу, 20 ліпеня, ноччу месцамі, днём на большай частцы тэрыторыі краіны прагрымяць навальніцы. Днём у асобных раёнах пры навальніцах чакаюцца моцныя залевы і моцны парывісты вецер. Тэмпература паветра ўначы +14-19, днём - +21-27.
У суботу — кароткачасовыя дажджы, месцамі навальніцы. Днём у асобных раёнах па ўсходзе — моцныя дажджы. Будзе + 22-27.
У нядзелю дажджы пройдуць у цэнтральных і ва ўсходніх раёнах краіны, у заходніх раёнах без ападкаў. Уначы ад +12 на захадзе да +19 на ўсходзе краіны, днём - +22—28.
У пачатку наступнага тыдня дажджоў будзе менш. У панядзелак — кароткачасовыя навальнічныя дажджы пройдуць толькі ў асобных раёнах краіны.
У аўторак дажджы пройдуць ва ўсходніх раёнах. Удзень — +22—28.
