Ланская пасмяялася з таго, што ўпала на сцэне Славянскага базара
Беларуская спявачка Алена Ланская паслізнулася і ўпала проста на сцэне пасля свайго выступу на «Славянскім базары» ў Віцебску.
Пазней яна напісала ў інстаграме, што адбылося:
«Я, вядома, не так шэдэўральна звалілася, як Філіп Кіркораў, Мадонна і пераможца «Еўрабачання-2018» Нэта (для тых, хто не бачыў, можна зірнуць на YouTube). Але, як бачыце, таксама старалася! Ах, люблю быць у цэнтры ўвагі!
А калі без жартаў, то ў прафесіі артыста шмат стрэсаў, непрадказальнасці і траўматычна небяспечных сітуацый: шнуравы мікрафон на вулічнай пляцоўцы пасля дажджу можа біць токам; начныя пераезды на аўто па дарогах у зонах, дзе бегаюць лясныя жывёлы, пастаянна падвяргаюць тваё жыццё небяспецы. А тут дым-машына, пара ад якой асядае проста на сцэну, і ад гэтага яна робіцца слізкай.
У выніку: паламаны пазногаць, велізарны сіняк на сцягне і перадынфаркты стан у паловы залы гледачоў амфітэатра! Паведамляю, што ў мяне ўсё добра, я жывая. Моцны той, хто ўмее пасля падзення ўстаць і працягнуць свой шлях далей. Беражыце сябе! А як ваша мінулая пятніца 13-га?», — напісала Ланская.
