Трамп запатрабаваў ад краін НАТА «зараз жа» павялічыць выдаткі на абарону ў 2 разы
Прэзідэнт ЗША Дональд Трамп заявіў, што краіны НАТА павінны пачаць выдаткоўваць на абарону 2% ад ВУП зараз жа, а не чакаць 2025 года. Пра гэта амерыканскі лідар напісаў на сваёй старонцы ў Twitter па выніках першага дня саміту лідараў краін альянсу, які 11 ліпеня адкрыўся ў Бруселі.
What good is NATO if Germany is paying Russia billions of dollars for gas and energy? Why are there only 5 out of 29 countries that have met their commitment? The U.S. is paying for Europe’s protection, then loses billions on Trade. Must pay 2% of GDP IMMEDIATELY, not by 2025.
Напярэдадні саміту амерыканскі прэзідэнт, які лічыць несправядлівым размеркаванне расходаў на абарону ўнутры альянсу, заявіў, што краіны НАТА павінны плаціць больш. У сераду афіцыйны прадстаўнік Белага дома Сара Сандэрс заявіла журналістам, што Трамп падняў гэтую тэму на закрытай сустрэчы з лідарамі краін альянсу, паведамляе Associated Press. У прыватнасці, яна ўдакладніла, што Трамп прапанаваў лідарам краін НАТА перайсці да выдаткаў на ўтрыманне альянсу 4% ВУП, замест мэты ў 2% да 2024 года.