На маладзечанскай трасе 13-гадовая дзяўчынка, што ехала ў групе раварыстаў, звалілася пад аўтамабіль
t.me/dpsminsk
На маладзечанскай трасе аўтамабіль збіў групу веласіпедыстаў. Пра гэта tut.by распавялі чытачы. У ДАІ Мінскай вобласці гэтую інфармацыю абверглі. Як паведамілі інспектары, веласіпедыстка, рухаючыся ў складзе групы, сама ўпала пад колы машыны.
Інцыдэнт адбыўся днём 7 ліпеня на трасе Р28 Мінск — Маладзечна — Нарач недалёка ад Ратамкі.
- Каля 11.40 па абочыне трасы Р28 у напрамку Маладзечна рухалася група веласіпедыстаў ва ўзросце ад 13 да 22 гадоў. На 15-м кіламетры дарогі адна з дзяўчат выпадкова звалілася на праезную частку перад Mercedes, у выніку чаго апошні здзейсніў на яе наезд, - паведамілі ў ДАІ.
13-гадовая дзяўчынка атрымала цялесныя пашкоджанні і была шпіталізаваная. У ДАІ таксама адзначылі, што машына прыкрыцця адсутнічала. Трэнера ў момант ДТЗ не было.
