У Віцебску дзяўчына ўпала ў купальскае вогнішча

У пабліку «Тыповы Віцебск» размясцілі відэа, на якім дзяўчына падае ў купальскае вогнішча, сцвярджаецца, што гэта адбылося ў абласным цэнтры ў ноч на Івана Купалу.

На відэа бачна, як спачатку падае адзін чалавек з пары, але, на яго шчасце, ужо за вогнішчам. Затым праз вогнішча насустрач адзін аднаму скачуць хлопец і дзяўчына з доўгімі валасамі, падобна, яны зачапілі адзін аднаго, у выніку чаго апошняя звалілася ў полымя.

Мяркуючы па відэаздымцы, пацярпелую дзяўчыну хутка выцягнулі з вогнішча, і пачалі тушыць вопратку. Якія-небудзь падрабязнасці інцыдэнту не вядомыя, у міліцыі і МНС «Народным навінам Віцебска» паведамілі, што ім пакуль ад «хуткай» не паступала інфармацыі пра падобныя здарэнні.

Народныя навіны Віцебска

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0