Знайсці
04.07.2018 / 18:5311РусŁacБел

У Смаргоні дзяўчына выклала ў сеціва інтымныя фота сяброўкі і атрымала год зняволення

Дзяўчына са Смаргоні, пакрыўдзіўшыся на сяброўку, выклала ў сетку яе інтымныя фатаграфіі са скрыншотамі дыялогаў, каментароў і атрымала за гэта тэрмін.

Суд Смаргонскага раёна 27 чэрвеня прысудзіў да 1 года пазбаўлення волі з адтэрміноўкай выканання пакарання на 1 год. У гэты час абвінавачаная абавязаная не пакідаць месца жыхарства і двойчы на месяц адзначацца ў міліцыі.

— Дзяўчаты — сяброўкі і равесніцы. Пацярпелая прыйшла ў госці да абвінавачанай і засталася начаваць. У госці разрадзіўся акумулятар мабільнага тэлефона, і яна папрасіла сяброўку пазычыць сваю мабілу, каб пасядзець у сацыяльных сетках. Пакарысталася яе тэлефонам, але, вяртаючы яго, забылася выйсці з свайго акаўнта ў сацсетцы. А раніцай пайшла дадому, — распавёў kraj. by памочнік пракурора Смаргонскага раёна Даніла Тарыма.

Па словах Данілы Тарыма, калі абвінавачаная ўбачыла адкрытую старонку сваёй сяброўкі, ёй стала цікава, пра што яна там піша. Дзяўчына ўбачыла непрыемную інфармацыю пра сябе. Ёй стала крыўдна, і яна вырашыла адпомсціць.

Зрабіла скрыншоты дыялогаў і каментароў, спампавала інтымныя фатаграфіі сяброўкі. Потым у гэтай жа сацсетцы стварыла фэйкавую старонку і з яе дапамогай стала адпраўляць сябрам і знаёмым кампрамат на сяброўку.

Пацярпелая даведалася пра сябе шмат цікавага ад сяброў, якія атрымалі гэтую інфармацыю. Яна напісала заяву ў міліцыю.

kraj.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера