Жыхар Гомеля, які прапанаваў хабар украінскаму памежніку, сплаціў штраф і вярнуўся дадому
Грамадзянін Беларусі, жыхар Гомеля, затрыманы ў чэрвені ў Чарнігаўскай вобласці за прапанову ўкраінскаму памежніку хабару ў памеры 100 даляраў, пазьбегнуў крымінальнай адказнасьці, але сплаціў штраф у памеры 8,5 тысяч грыўняў (больш як 300 даляраў у эквіваленце), піша Радыё Свабода.
Суд зацвердзіў угоду, складзеную паміж следчым і беларусам аб прызнанні вінаватасці, згодна з якой прапанова хабару прызнаная «злачынствам сярэдняй цяжкасці». Канфіскаваныя падчас затрыманьня 100 даляраў перададзеныя ў даход украінскай дзяржавы.
У сувязі з прызнаннем вінаватасці абвінавачанне было перакваліфікаванае на больш мяккае, але і паводле яго беларусу пагражала пазбаўленне волі на тэрмін ад 2 да 4 гадоў зняволення. Суд таксама прыняў да ўвагі, што жыхар Гомеля мае на ўтрыманні двух малалетніх дзяцей і раней не быў асуджаным.
