Тайланд: 12 дзяцей могуць пакінуць на 4 месяцы ў пячоры
Мамы і таты падлеткаў на сёмым небе ад шчасця: гэта цуд, што падлеткі знойдзеныя жывымі праз 9 дзён невядомасці. Скрыншот з відэа.
Эксперты прагназуюць, што выратавальная аперацыя 12 падлеткаў з затопленай пячоры Там Луанг на поўначы Тайланду можа зацягнуцца аж да чатырох месяцаў — пакуль не пройдзе сезон дажджоў і не знізіцца ўзровень вады.
«Найлепшы варыянт — пакінуць іх там, дзе яны ёсць, і стабілізаваць навакольнае асяроддзе», — лічыць дырэктар Асацыяцыі дайвераў-спелеолагаў Аўстраліі Пітэр Вольф.
Іншы варыянт — навучыць пацярпелых асновам дайвінгу і правесці іх па тым самым падводнаму маршруце, па якім да іх прабраліся вадалазы.
Юным удзельнікам футбольнай секцыі ад 11 да 16 гадоў. 23 чэрвеня разам з трэнерам яны вырашылі адзначыць дзень нараджэння аднаго са сваіх таварышаў у пячоры. Але абралі для гэтага не самы ўдалы момант — у гэты час у рэгіёне пачынаецца сезон дажджоў. Пасля таго, як уваход у пячору быў затоплены, спартсмены апынуліся ў пастцы, і выжылі толькі дзякуючы «святочным» запасам.
У выратавальнай аперацыі задзейнічаныя сотні людзей.