Белы дом: Санкцыі супраць Расіі будуць заставацца да таго часу, пакуль яна не верне Крым
У Белым доме адзначылі, што не прызнаюць анексію Крыма Расіяй, і падкрэслілі, што санкцыі супраць Крамля будуць дзейнічаць да таго часу, пакуль Расія не верне паўвостраў Украіне.
Пра гэта заявіла прэс-сакратар Белага дома Сара Сандэрс, перадае AFP.
«Мы не прызнаем расійскай анексіі Крыма. Мы пагадзіліся, што нашы пазіцыі з Масквой у гэтым пытанні разыходзяцца. І нашы крымскія санкцыі супраць РФ будуць заставацца да таго часу, пакуль Расія не верне паўвостраў Украіне», — адзначыла Сандэрс.
На пытанне журналістаў, ці будзе прызнанне анексіі Крыма разглядацца ў прынцыпе, калі Расія пагодзіцца на некаторыя саступкі, прэс-сакратар адказала: «Я ў гэты момант не буду казаць пра перамовы».
Нагадаем, адказваючы на пытанне, ці змогуць Злучаныя Штаты прызнаць Крым часткай Расіі, Трамп сказаў: «Паглядзім».
