Даслаць навіну
Знайсці
24.06.2018 / 14:17 49

Аркадзь Бабчанка: Маё жыццё ў чарговы раз зламанае цалкам

Журналіст Аркадзь Бабчанка, які ў маі 2018 года стаў удзельнікам спецаперацыі ўкраінскіх сілавікоў, расказаў пра сваё цяперашняе жыццё.

Чытайце: Журналіст Бабчанка жывы. Украінскія спецслужбы інсцэніравалі «забойства» ВІДЭА

Павялічыць выяву

«Мне цяпер нельга нічога. Я не магу выйсці на вуліцу, я не магу сустрэцца з кім хачу, я не магу паехаць куды хачу, я не магу рабіць, што захачу. Я не магу не тое, што пайсці ў кафэ пасядзець з сябрамі — я не магу нават выйсці ў краму. Ежу мне прывозяць. Кожны выхад у горад — гэта спецаперацыя. Кожная сустрэча — дзесьці ў закрытым памяшканні, агавораным загадзя, лепш у месцы пад аховай. План знаходжання ў гэтым месцы распрацоўваецца загадзя. Сустрэчы магчымыя толькі з невялікай колькасцю людзей.

У мяне ёсць ве-е-ельмі ўстойлівыя падазрэнні, што ў Расіі нейкім чынам атрымалі доступ да маіх гаджэтаў і могуць іх чытаць і слухаць, таму перамовы аб сустрэчы — асобная спецаперацыя.

Натуральна, ніхто не можа прыйсці і да мяне.

У нас няма нічога. Вось наогул нічога. Сям'ю эвакуявалі з Расіі за дзень да гадзіны Д, таму што паведамляць дату давялося, натуральна, па тэлефоне, а там-та тэлефоны слухаліся адназначна, і трэба было пакінуць мінімальны часовы люфт, каб тупа не паспелі затрымаць на мяжы, і цяпер у нас ёсць толькі тое, што змясцілася ў машыну за адну ходку. Тры валізкі рэчаў. Кватэра, гараж, шмоткі, відэакамера імпартная тры штукі — усё засталося там. У мяне цяпер дзяржаўнае ўсё. Нават відэльцы. На табурэтцы, на якой я пішу гэты пост, стаіць інвентарызацыйны нумар. На мне штаны, у якіх я быў у моргу. Схадзіць у краму купіць новыя я не магу. А дастаўка таксама немагчымая.

Учора абзавяліся апрацоўчай дошкай. І тазікам для мыцця. Свята ў сям'і.

Я бачу толькі адно і тое жа пэўнае кола людзей. З ахоўваемага месца я не выходжу. Наогул. Мне няма куды больш выходзіць. У мяне зараз няма ні працы — таму што ў такой сітуацыі наўрад ці можна прыдумаць нешта больш дурное, чым рэгулярна прыязджаць у адно і тое ж месца ў адзін і той жа час — ні пасядзелак, ні спартзалу, ні пікнікоў, ні крам, ні Макдональдса, ні кіно, нічога. Маё жыццё ў чарговы раз зламанае цалкам.

«Здароў, уваскрослы! Мы можам сустрэцца?» Не. Не можам. А калі зможам, дзядзька? Не ведаю. Калі ўсё пойдзе ўдала — то гады праз два, напэўна.

Не я зараз вызначаю сваю будучыню.

Я зусім не ўяўляю, што далей. Дзе я буду далей жыць, як я буду далей жыць, як будзе жыць маё дзіця, у якую школу яно будзе хадзіць, ці зможа яно проста выйсці пагуляць на вуліцу без ўзвода аўтаматчыкаў.

Нічога не скончылася. Разумееце? Нічога яшчэ не скончылася. Герман на судзе кажа, што ён арганізатар толькі адной з груп. А ёсць яшчэ і іншыя. Толькі ў Кіеве, паводле яго слоў, каля дзясятка. І гэта надоўга. І гэта — сур'ёзна. Людзі працуюць, бабло сюды заходзіць, зброя заходзіць, да выбараў будуць расхістваць сітуацыю адназначна.

Сёння выходны. Вы будуеце планы на ўікэнд. А я сяджу з сям'ёй у бункеры, хаваюся ад наёмных забойцаў. Долбаная штырліцыяда.

І разумнікі, якія разважаюць пра «блазнаванне» і думаюць, што да сарака гадоў я марыў пра такое жыцця з цалкам нявызначанай будучыняй без нічога — пажывіце так тыдзень-другі. А потым будзеце мудрагеліць.

Добрай раніцы. Удалых ўсім выходных», — напісаў ён у фэйсбуку.

0
Белорус / адказаць
25.06.2018 / 20:23
Вася Чэсных, Ольгинский троль - это тот у кого торчат уши россиянина. который за то. чтобы россиянам было хорошо. а остальным народам на своей земле плохо. Зачем вообще Украине Бабченко. если бы в России россияне жили спокойно и не только не нападали на другие народы. но и никого не гнали с России. чтобы потом разбираться какие они там и что им должны в других странах? Бабченко- гражданин России. в России ему и безопасность должны обеспечивать без набрасывания дерьма на вентилятор в других странах почему кто что должен и в чем виноват. если в России россияне друг другу что-то устраивают. из-за чего желают бежать в другие страны. а не в свою полицию обращаются за решением конфликтрых ситуаций. разбираясь там кто из россиян какое мнение имеет и какое мнение в России справедливо.  
1
Пу-пу / адказаць
26.06.2018 / 05:50
Вася Чэсных,
Сам Бабченко особенно ФСБ и не нужен. Путлер нужен хаос в Украине перед выборами.
Пытались убить медийную персону, уже начали цыган убивать, завтра будут палить синагоги польские, венгерские и русские учреждения, послезавтра взрывать поезда метро и т.д.
0
ЖЖ / адказаць
26.06.2018 / 15:21
Что его жизнь - игра.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30